Operasaun Konjunta La’o Ain Durante Periodu Festa Natal no Tinan Foun

by -363 views
Foto Espesial

Jornalista Jaime Pires / Editór Noémio Falcão

Dili (Timor Post)—FALINTIL-Forsa Defeza Timor-Leste (F-FDTL) liuhusi Polísia Militár hamutuk ho Polísia Nasionál Timor-Leste (PNTL) hala’o operasaun konjutu durante selebrasaun loron boot Natál no Tinan Foun.

Xefe Departamentu Justisa Polísia Nasionál Timor-Leste (PNTL), Superentendente Xefe Augustino Gomes hatete, operasaun konjutu ne’e la’o iha kapitál Dili laran tama sai Bairu no pasa revista.

“Ita sei hala’o operasaun konjuntu liuhusi via marsa iha kapitál Dili laran hodi tama sai Bairu, nune’e mós sei halo atividade pasa revista durante selebrasaun loron boot Natál no Tinan foun ne’e”, Komandante Agostinho subliña iha Kuartel Polísia Militár, Kintal-Boot, Segunda (13/12/2021).

Nia subliña, atividade operasaun konjuntu hala’o ona iha loron ne’e to’o loron (03/01/2022).

“Operasaun sei la tolera ba kualker se de’it mak halo konflitu ka krime durante loron Natál no Tinan Foun ne’e, inklui mós membru F-FDTL ka PNTL mak komete mós sei la fó toleransia sei kaptura hotu,” tenik Nia.

Nia aumenta, durante operasaun ka halo pasa revista mak membru PNTL ka F-FDTL mak uza armas ruma forma husi oras servisu mós sei kaptura no hadau hotu armas sira ne’ebé mak sira uza.

“Ba membru PNTL ruma mak uza armas sira husi oras servisu mak hetan sei kaptura husi departamentu PROFOS enkuantu membru F-FDTL ruma mak komete sei kaptura husi PM, no kontinua prosesu sira tuir lei regulamwntu dixiplinar ida-idak ninia,” Nia hateten.

Iha sorin seluk, Kapitaun Francisco Xavier Dos Reis Neto, Kadante Interinu Polísia Militár hatete, sei la fó toleransia ba kualker se de’it, tanty membru PNTL ka F-FDTL.

“Ita mak seguransa ba liberdade ema hotu-hotu nia durante festeza loron boot Natál no Tinan Foun nia ne’e, tanba ne’e sei la fó toleransia ba kualker se de’it mak hakarak halo krime ka halo barullu,” Nia hakotu.

No More Posts Available.

No more pages to load.