OMS Apoiu Mákina Braille ba AHDMTL

by -252 views
Ilustrasaun

DILI (Timor Post)-Organizasaun Mundiál Saúde (OMS) apoiu mákina baraille ba Asosiasaun Halibur Defisiénsia Matan Timor-Leste (AHDMTL).

Diretór Ezekutivu AHDMTL, Gaspar Afonso agradese, tanba ho grasa Maromak nian hetan ajuda Printer Braille hosi OMS, ne’e mehi ida ne’ebé kleur tiha ona.

“Ba oin ita sei utiliza printer Braille ne’e ho di’ak atu nune’e ita bele loke libraria ki’ik iha Timor, ba ema ho defisiente matan”, Gaspar hatete ba jornalista sira iha serimónia entrega mákina printer Braille iha Manleuana, Kinta (7/10).

Nia informa, printer Braille seidauk bele uza, tanba rekursu sei menus no sei haruka ema na’in haat (4) feto rua mane rua ba hala’o estudu iha Indonézia no sei buka dalan ka dere ema seluk nia odamatan atu nune’e bele ajuda tan, iha tinan 2022 sira na’in haat bele ba aprende iha Indonézia, fulan neen (6) ka tinan ida (1)hodi nune’e sira fila mai bele utiliza sasán sira ne’e ho di’ak no fó benefísiu ba ema ne’ebé ho defisiénsia matan.

Seidauk sufisiente tanba sei produs livru sira ne’e no konstituisaun RDTL, ne’e seidauk to’o no sei dere tan entidade seluk nia odamatan atu bele ajuda tan.

Iha fatin hanesan, reprezentante WHO Arvind Mathur hateten, atu husu nafatin ba sira ne’ebé servisu di’ak fó hanoin mai OMS atu halo kolaborasaun servisu makaas hodi Covid-19, iha momentu ida ne’e mós buat balun ne’ebé, durante iha situasaun Covid-19 laran

“Ha’u sinte kontente tebes halo kolaborasaun AHDMTL no iha kometimentu ka esperansa ba futuru, nafatin fó apoiu ba grupu ne’ebé hakarak ho kolabora ho OMS”, nia hatete.

“Mehi ne’ebé ita boot sira hakarak liuliu atu asesu no aprende buat ruma tau iha kometimentu, koko atu halo, oinsá bele realiza asuntu no kolaborasaun ne’ebé iha, oinsá atu hetan informasaun ida kona-ba profile, ne’e hanesan lisaun ba ita, buka hodi rekupera hamutuk no bele hamosu profile ida, ho kometimentu atu realiza iha futuru, koko atu koopera hamutuk prosesu oinsá atu atinje”, Arvind hatete.

Iha sorin seluk, Diretór DireçãoNacional da Promocao dos Direitos das PessoasPortadores de Defisiencia iha (MSSI) Mateus da Silva, dehan polítika governu nian, ba imi iha area defisiénsia, loos katak governu Timor-Leste kria polítika nasionál ba ema ho defisiénsia, governu hamriik iha konstituisaun repúblika demokrátika Timor-Leste ninian, fundasi maka artigu 16 ho 21 fó dalan ba governu planu asaun nasionál ba ema ho defisiénsia.

“Ita akompaña ona planu asaun nasionál ida ne’ebé mak ami halo iha 2014 ho 2018 nia implementasaun ne’e fraku loos, planu nasionál ne’ebé ami halo liu ba la hetan aprovasaun hosi konsellu ministru”, Mateus dehan.

Maibé halo revizaun planu asaun nasionál ne’e involve ministériu-15 iha implementasaun planu nasionál ne’e komesa husi 2021 to’o 2030 planu nasionál ne’e hetan ona aprova hosi konsellu ministru.(pj3/pj6/pj13)

No More Posts Available.

No more pages to load.