OJE 2022, Governu Propoin Biliaun 1.675

by -175 views
Foto Espesial

Jornalista Jaime Pires / Editór Noémio Falcão

DILI (Timor Post)— Governu lideradu Primeiru Ministru Taur Matan Ruak prepara tiha ona Orsamentu Jerál Estadu (OJE) tinan fiskal 2022 nian hamutuk biliaun 1.675 no tuir ajenda iha loron 15 Outubru submete ba Parlamentu Nasionál hodi debate no halo aprovasaun.

Ministru Prezidensiál Konsellu Ministru, Fidelis Manuel Leite Magalhães ba jornalista sira hafoin reuniaun Konsellu Ministru iha Palásiu Governu, Kuarta (06/10/2021), haktuir, iha sorumutu ne’e aprova ona projetu ba proposta lei OJE 2022, ne’ebé aprezenta husi Ministru Finansas, Rui Gomes.

Fidelis subliña, husi total OJE ba tinan oin ne’e kompostu husi orsamentu administrasun sentrál, orsamentu Rejiaun Administrativu Espesial Oe-Kusi Ambenu no orsamentu siguransa sosial.

Nia hatutan, prioridade nasionál neen ne’ebé governu difini ona maka, dezenvolvimentu kapitál umanu (edukasaun, formasaun profisional no saúde), abitasaun no inkluzaun sosiál, setor produtivu sira (agrikultor no turizmu) ambiente no konektividade, dezenvolvimentu setor produtivu, dezenvolvimentu rural no givernasaun di’ak.

“Tuir planu dia 15 ne’e atu lori ona bá iha Parlamentu Nasionál, maibé ita haree, importante mak ohin aprova ona projetu proposta lei ne’e hodi bele gia prosesu OJE 2022, no halo ekipa tekniku sira halo preparasaun ho di’ak,” Fidelis hatete.

No More Posts Available.

No more pages to load.