Ohin, Estudante hamutuk 55.072 tuir Ezame Nasionál 2020

by -277 views

Timor Post (16/11/2020)—Estudante finalista husi nivel eskola Ensinu Báziku Sentral, Ensinu Sekundáriu Jerál no Ensinu Sekundáriu Tekniku Vokasional hamutuk na’in rihun-lima-nulu-resin-lima, hitu-nulu resin rua (55.072), hahú ohin tuir ezame nasionál.

“Ezame nasionál realiza iha Loron 16 to’o 18 iha territoriu laran tomak no kandidatu ba ezame nasionál hamutuk 55. 072,” Ministru Edukasaun Juventude no Desportu (MEJD), Armindo Maia haktuir ba jornalista sira iha sala konferénsia MEJD, Vila Verde, Dili, Sesta (13/11/2020).

Nia esplika, total estudante finalista  ba ezame nasionál tinan 2020 hamutuk 55. 072 kompostu husi nivel ensinu baziku sentral hamutuk na’in 30. 359, ensinu sekundariu jeral hamutuk na’in 20.145 husi Siensia no Teknolojia hamutuk na’in 10. 365, siensia sosiais humanidades hamutuk na’in 9.780.

Total estudante kandidatu Finalista iha nivel ensinu sekundariu tekniku vokasional hamutuk na’in 4.568 ne’e kompostu husi eskola teknika hamutuk na’in 1.462, eskola ekonomia no komersiu hamutuk na’in 1.501, eskola otelaria no komersiu hamutuk na’in 568, no eskola Agrikultura no peska hamutuk na’in 1.037.

Ministru Armindo dehan, númeru eskola ne’ebé mak realiza ezame nasionál hamutuk 444 ne’e kompostu husi nivel ensinu baziku Sentral hamutuk 292, ensinu sekundariu jeral 96, no ensinu sekundariu tekniku vokasional hamutuk 56.

“Kona-ba disiplina ita iha terseiru siklu ensinu baziku hanesan portuges, Inglesh, Matematika, Siensia fisiku naturais, Istoria no Geografia, ensinu sekundariu jeral iha Siensia teknolojia, portuges, Inglesh, Matematika, Fizika, Biolojia no Quimika, siensia sosiais no humanidades portuges, Inglesh, Matematika, Ekonomia, metodu no kuantitativu, Istoria nogeografia ho sosialojia” nia hateten.

Nia hatutan,  eskola sekundariu tekniku vokasional iha eskola teknika hanesan portuges, Inglesh, Matematika, Fizika no Kimika ho fizika ekonomia, eskola ekonomia no komersiu iha portuges, Inglesh, Matematika, ekonomia, metodu no kuantitavus no sosialojia.

Eskola otelaria no turismu hanesan portuges, Inglesh, Matematika, ekonomia metodu kuatitativus, geografia no sosialojia, kimika, ekonomia, Istoria da moda, no lina do tempu moda, eskola Agrikultura e peskas hanesan Portuges, Inglesh, Matematika, no Biolojia.

“Segunda-feira dader sei hala’o envelopes tuku 8 : 00 Ha’u ba abertura iha eskola sekundariu sagradu curação de Jesus iha Becora, Vice ministru sei ba Gleno eskola sekundariu jeral Nino Koni Santana,” nia haktuir. (ono)

No More Posts Available.

No more pages to load.