Observadór UE Na’in 24 Ohin Hahú Destaka ba Munisípiu Observa Kampaña Elprez

by -392 views
Adjuntu Xefe Observadór Misaun Observasaun Eleitorál (MOE) hosi Uniaun Europeia, Alexander Grey, (liman loos), hatan hela perguntas hosi jornalista sira. Imajen TP/germandina xavier

(Reportajen Germandina Xavier/Asistente editor Hermenegildo da Costa Tilman)

Dili (Timor Post)–Adjuntu Xefe Observadór Misaun Observasaun Eleitorál (MOE) hosi Uniaun Europeia, Alexander Grey, hatete, ekipa observadór hosi Uniaun Europeia nian hamutuk na’in 24 ohin hahú  destaka ba munisípiu sira hodi hala’o observasaun ba kampaña eleisaun prezidensiál (ElPrez) segunda volta.

“Ami iha  observadór na’in 24 iha Timor Leste, Ami sei akompaña kampaña eleitorál no ekipa ida iha munisípiu ho ema na’in rua no to’o loron eleisaun sei presiza aumenta ba na’in 50 no Dili sei iha ekipa ema liu na’in 10 hanesan observadór,” nia dehan ba jornalista sira Iha otél Timor , tersa ( 29/03).

Nia hatete, ekipa observador UE sei hala’o servisu iha munisípiu sira hahú loron 2 to’o 16 Abril. Observador sira sei akompaña kampaña eleitorál tomak iha munisípiu, depois loron rua  ba eleisaun sei halo preliminár hanesan halo ona iha primeira ronde.

Ekipa observadór UE, sei koloka tuir Munisípiu no Oekusi sira sei mai fali Dili loron rua hodi hola parte iha soru mutu kona ba informasaun eleisaun nian molok fila fali ba munisípiu hodi bele kontinua halo observasaun ba eleisaun segunda volta.

Nia dehan Uniaun Europeia prontu atu akompaña kampaña eleitora no eleisaun hosi kandidatu na’in rua ne’ebé sei hakat ba segunda rounde, ekipa observadór prontu atu akompaña iha situasaun hotu-hotu.

Tanba tuir nia, kualkér eleisaun sei iha irregularidade kiik oan maibé kuaze buat hotu la’o di’ak ho transparénsia no la iha problema ida boot. No Uniaun Europea iha esperiensia tinan 20 iha TL haree prosesu eleitorál demokrasia sai buras no forte liu iha Timor Leste, Nia hakotu. (Lee Notisia Seluk iha Jornal Timor Post/Asesu You Tube Timor Post).

 

No More Posts Available.

No more pages to load.