Timor Post (10/12/2020)—Komisaun Antí Korrupsaun (KAK) detein ona Manajer Loja Dili Mart iha Raikotu-Komoro, Dili, tanba deteta fahe aihan fohuk no dodok ba populasaun sira iha programa Sesta Bázika.
Observasaun Timor Post haktuir, bainhira ekipa KAK to’o iha fatin, iha oras tuku 09:00, Manajer Loja Dili Mart koopera ho di’ak. Ekipa halo esplikasaun kona-ba desizaun ne’e no tula kedas manajer ne’e ba karreta hodi lori ba detein iha sela KAK nian iha Farol, Dili hodi submete ba prosesu investigasaun.
Ekipa KAK mos kontinua ba Ministériu Turizmu Komérsiu no Indústria (MTKI) hodi tedein mós funsionáriu balun ne’ebé deskonfia involve direta no indireta iha kontra bandu ida ne’e.
Antes ne’e, KAK prende aihan ne’ebé konsidera serve ba fohan animal no hapara kedas distribuisaun Sesta Bázika iha Suku Komoro, Postu Administrativu Don Aleixo, Munisípiu Dili.
Adjuntu Komisáriu KAK ba Assuntu Prevensaun no Sensibilizasaun, Luis de Oliveira Sampaio lidera ekipa Espesialista Anti Korrupsaun (EAK) ba hala’o intervesaun imediata hodi prende batar fohuk modo dodok, no hapara obrigamente fahe aihan sesta bázika ne’ebé hala’o husi kompañia Dili Mart.
Adjuntu Luis Oliveira liuhusi Pájina Offisial KAK iha Facebook hatete, KAK la soi atu kompañia Dili Mart kontinua fahe aihan bázika sira tanba aihan bázika fohuk sira ne’e merese fó ba fahi la’ós atu fó ba povu kbi’it la’ek sira.
“Ami ko’alia tiha ona ho manajer kompañia atu hapara distribuisaun aihan bázika hanesan batar fohuk, koto no modo tahan dodok ba populasaun, tanba aihan fouhuk sira ne’e merese fó han ba animal ka fahi laós atu fó ba ita ninia povu,” Adjuntu Luis Oliveira subliña.
EAK mós prende kafé falun balun tanba la tuir lista grama no folin ne’ebé mak ministériu komérsiu no indústria determina, maibé iha terenu kompañia Dili Mart fahe la tuir ninia kilograma.
Nia dehan, sei iha konsekuénsia ne’ebé boot ba irregularidade ida ne’e, no komisaun sei bolu manager kompañia ho responsavel programa sesta bázika nia iha MTCI.
“Batar ne’ebé fohuk no modo ne’ebé dodok, ami prende no sei halo prosesu, depois ami sei notifika nain ba Loja Dili Mart ne’e ho ninia responsavel sira inklui mós responsavel ba programa sesta bázika nia iha ministériu (MTCI) tanba sira mai haree maibé husik de’it, ne’e sira nia responsabilidade atu halo supervizaun,” nia hatutan.
Adjuntu haktuir, antes ne’e mós komisaun deskobre sirkunstánsia hanesan iha fatin seluk hanesan, Hera, Metinaru no Likisa maibé kompañia no autoridade relevante la hadi’a.
Jornalista: Jaime Pires
Editór: Noémio Falcão
937 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1886
MISSA PASKOA KINTA-FEIRA SANTA IHA KAPELA MARIA AUXILIADORA FOMENTO I
MISSA PASKOA KINTA-FEIRA SANTA IHA KAPELA MARIA AUXILIADORA FOMENTO I
PNTL Selebra nia Aniversariu ba Dala 24 iha Resintu Kuartel UEP
1
/
1886