ADVERTISEMENT

Maske Rekoñese Risku, Taur defende Tau Osan Adisional ba Ró HAKSOLOK

Timor Post - Jeral
  • Share

Timor Post (02/12/2020)—Promeiru Ministru Taur Matan Ruak hatete iha Parlamentu Nasionál katak, tenke tau osan adisional tuir proposta iha Orsamentu Jerál Estadu (OJE) 2021 ho montante millaun $14 ba Ro Haksolok tanba halo ona investimentu.

“Ha’u nia hanoin ita tenke tau osan ba Ro Haksolok tanba investimentu ita halo ona ita lakon ona kuaze $20 milloes,” Xefe Governu defende hodi hatan ba preokupasaun deputadu opozisaun sira iha debate proposta Orsamentu Jerál Estadu (OJE) 2021 iha jeneralidade, Kuarta (02/12/2020).

“Ita iha dalan rua ka tolu, ida ita husik tiha ita lakon de’it osan, ida seluk ita foti Ro ne’e ba fali kompañia seluk hodi hadi’a, ida seluk ita halo tiha besi-át fa’an tiha dala ruma nia presu ne’e $500 mil karik, nune’e mós ita tenke negosia buka dalan seluk halo nusa mak kapitaliza kompañia ida ne’e ho kompañia sira seluk atu hadi’a,” Taur subliña.

Nia hatutan, meius hirak ne’e hotu presiza duni osan adisional, maibé responsabilidade iha autoridade RAEOA nian, tanba ne’e nia hatene husu osan maski iha risku maibé nia husu nia hatene iha dalan hodi rekoopera.

Taur rekoñese, prosesu ida ne’e lafasil, kuandu Mari Alkatiri sai, Lugu ba fali hodi entrega responsabilidade ba governu sentral, maibé bainhira Arsenio Bano ba fali dada fila-fali.

Entretantu Taur dehan, Prezidente Atoridade RAEOA, Arcenio Bano brani, maski ida ne’e la fasil maibé nia prontu toma responsabilidade tanba ne’e husu, mezmu nia hatene Ro mak atu mai ka nia mak atu ba Bekora. (Jornalista: Jaime Pires)

 915 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Maske Rekoñese Risku, Taur defende Tau Osan Adi…” A few seconds ago

Lee Mós :
IPG realiza análise sobre qualidade de areia das ribeiras em TL

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No