ADVERTISEMENT

Diretór Elite Computer ho CEO Telemor Livre ona husi Sela Detensaun

Timor Post - Jeral
  • Share

Timor Post (28/11/2020)—Diretór Kompañia Elite Computer ho Chief Executive Officer (CEO) Kompañia Telekomunikasaun Telemor livre tiha ona husi sela detensaun Komando Polísia Nasionál Timor Leste (PNTL)-Munisípiu Dili.

Suspeitu na’in-rua fila ona ba uma iha loron 27/11/2020 hafoin hetan kaptura husi Polísia Servisu Investigasaun Kriminál (PSIK) iha loron 23/11/2020 iha ida-idak nia servisu fatin tanba deskonfia futu lia hodi hala’o atividade ilegál dada internet husi Atambua-Indonézia mai Timor Leste liuhusi Balibo-Maliana.

Maske livre ona husi sela detensaun tanba tuir lei suspeitu sira tenke kumpri durante oras 72 no estatutu suspeitu na’in-rua fila ona ba ema baibain, maibé sira tenke kumpri nafatin prosesu iha Tribunál Distrital Dili (TDD), tanba prosesu julgamentu seidauk hetan desizaun.

Advogadu hosi CEO Telemor, Pedro Aparicio ba jornalista sira hafoin julgamentu kontinuasaun ba loron-2, iha Sesta (27/11/2020) kalan subliña, públiku labele konsidera ona nia kliente hanesan suspeitu maske kumpri nafatin justisa hodi rona desinaun tanba mandatu detensaun hotu ona.

“Maske julgamentu ne’e kontinua iha enkeritu, tanba prazu detensaun hotu, sira na’in-2 sei fila ba uma no labele ba ona sela detensaun, aban (ohin Sábadu) lorokraik sira mai rona desijaun de’it,” Advogadu Pedro haktuir.

Juis ne’ebé prejide julgamentu maka Juisa Ersilia da Silva, Ministériu Públiku reprejenta Prokurador Lídia Soares no Matias Soares. (jxy)

 567 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Diretór Elite Computer ho CEO Telemor Livre ona…” A few seconds ago

Lee Mós :
Seidauk Hetan Aseitasaun husi Lú Olo, KHUNTO Dada-an husi Koligasaun Foun

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No