Timor Post (17/11/2020)- Ministru Petróleu no Minerais, Vitor da Conceição Gamma, hatete hosi fulan Janeiru to’o iha Novembru ba orsamentu 2020 nian ezekuta ona porsentu 84.2.
“Ha’u hakarak atu ko’alia uluk kona ba ezekusaun ba orsamentu jerál estadu 2020 nian ne’ebé mai hosi sistema duodesimal, ne’ebé to’o agora iha Novembru 2020 ne’e ezekusaun total ne’ebé iha agora no seu todo ne’e atinje pursentu 84.2,”, Vitor hato’o iha entrevista hafoin hala’o audiénsia ho komisaun D OJE 2021 iha sala plenaria parlamentu Nasionál Tersa (17/11).
Enkuantu total orsamentu nia dehan OJE 2020 nia ba iha MPM ho montante milaun $ 27.651, 475.00 ne’ebé ekivalente iha porsentu 84.2.
Hosi orsamentu ne’ebé iha nia dehan fahe ba kategoria saláriu vensimentu ho montante $ 341,400 ne’ebé ezekutadu ho porsentu 86.5 no falta porsentu 3.5.
Kona-ba bens serbisunian alokadu $ 611,074, Ministru hatete agora daudaun nia nivel ezekusaun iha ona porsentu 88.7, ba transferénsia publika hamutuk millaun $ 26,699. 001 agora ezekutadu ona porsentu 95 hela porsentu 5, ne’ebé alokadu liu husi transferénsia publika ba Autoridade Nasionál Petróleu Minerais (ANPM) milaun $ 9.3, IPG millaun $ 2, 1, Timor Gap, milaun $ 15, 2,
“Ida ne’e mak ezekusaun orsamentu 2020 nian programa ne’ebé iha katak ba 2020 no 2021 iha programa rua ne’ebé iha relasaun ho jestaun rekursu petrolíferu no mós iha boa governasaun”, informa Ministru.
Entretantu, Ministériu Petróleu no Minerál (MPM) propoin millaun $ 85,573,288 ba tinan fiskál 2021, ne’ebé koloka ba saláriu no vensimentu $ 431,202, bens no servisu $ 1,082,025, kapitál minor $ 412,210 no transferénsia públika $ 83,647,851.
Ministru adianta programa ho kódigu 401 kona-ba jestaun rekursu petrolíferu no mineral sei gasta $84,203,349 no programa ho kódigu 510 kona-ba governasaun di’ak no jestaun institusionál sei gasta $1,369,939. (Jornalista : Julio Salinas Soares)
1,049 total views, 3 views today
Oinsa Ita nia Reaksaun iha Notisia Nee?
You have reacted on “MPM Ezekuta Ona Porsentu 84.2 OJE 2020”
Bele hare Video Seluk :
Subscribe to Timorpost1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949
