Timor Post (13/11/2020)— Ministériu Obras Publika (MOP) prevee tokon US $240,673,539, inklui US $158,357,031 destinadu ba provizaun despezas kombustíveis no manutensaun jeradores liña tranzmisaun, US $21,503,286 destinada ba implementasaun atividade relasiona medida sira hosi planu rekuperasaun ekonómika iha Orsamentu Jerál Estadu (OJE) tinan fiskál 2021.
Ministru Obras Publika (MOP), Salvador Pires, informa asuntu ne’e bainhira halo audiénsia ho deputadu sira iha Parlamentu Nasionál (PN) kona-ba OJE 2021 nian, kuarta (11/11).
Salvador hatete, medida prinsipál setoriál sira ba tinan 2021 nian mak hanesan, prosege konstrusaun, reabilitasaun, manutensaun no jestaun estrada no ponte sira iha rede nasionál, inklui estrada regional no rural sira, ne’ebé interliga área produtiva iha merkadu.
Alende ne’e implementa programa kontrolu inundasaun no situasaun emerjénsia, ho forma atu asegura koletividade iha territóriu nasionál tomak.
Introdús mellora sistema abastesimentu bee (água), inklui konstrusaun no reabilitasaun saneamentu komunidade iha área urbana, rural, sentru saúde no suku no asegura normal abastesimentu bee ba benefísiu sidadaun sira.
Reforsa kuadru legal abastesimentu bee no jestaun rekursu hídrikus.
Garante kontinuidade programa eletrifikasaun iha nivel nasionál no instala liña distribuisaun. Introdus melloria sistema produsaun no fornesimentu energia elétrika ho forma viavel no sustentável. Garantia kontrolu kualidade konstrusaun sivil no obras publika. Promove boa governasaun no jestaun institusionál.
Salvador mos atualiza, ezekusaun total OJE 2020 ne’ebé previstu hamutuk millaun $195, 423, 435. Hosi montante ne’e ezekusaun atual atinje ona pursentu 62.7. Balansu millaun 72 resin, ne’ebé korresponde ba porsentu 37.3.
Salvador dehan hafoin pandemia COVID-19 ataka mundu tomak inklui Timor-Leste, atividade tun no mós demanda karga eletrisidade menus. Tanba ne’e sei iha poupansa ba item previzaun kombustivel jeradores manutensaun liña tranzmisaun nian, purvolta millaun $ 32, 5, ne’ebé reprezenta 15.1% poupansa, tanba presu mina tun iha merkadu.
Enkuantu nia informa reseita ne’ebé mak rekolla hosi diresaun haat, hanesan diresaun nasional distribuisaun apoiu konsumidora, diresaun nasionál peskiza dezenvolvimentu, diresaun nasionál serbisu água no diresaun nasionál serbisu saneamentu báziku hamutuk millaun $ 29. 760.
“Total reseita ne’ebé mak Ministériu halo ate data millaun $29,760, hamutuk 96%” Salvador konklui.(Jornalista : Julio Salinas Soares)
697 total views, 3 views today
Oinsa Ita nia Reaksaun iha Notisia Nee?
You have reacted on “OJE 2021 : MOP Prevee Tokon $ 240,673,539, Rese…”
Bele hare Video Seluk :
Subscribe to Timorpost
