ADVERTISEMENT

Deputadu CNRT Konsidera Governu Uza De’it Maioria Parlamentár hodi hanehan Lei

Timor Post - Jeral
  • Share

Timor Post (15/10/2020)-Vise Prezidente CNRT, Patrocínio Fernandes, konsidera VIII governu uza de’it maioria parlamentár hodi hanehan lei mak ohin loron akontese.

“Ohin loron ita haree ita nia estadu ne’e la’o hela iha situasaun ida ne’ebé la’ós ona demokrasia ida ne’ebé regula ho lei, maibé ho demokrasia ida ne’ebé mak importante ita iha maioria parlamentár ne’e mak agora akontese daudauk,” Patrocínio hato’o ba jornalista sira iha parlamentu nasionál Kinta (15/10).

Vise xefe Bankada CNRT ne’e afirma, maioria ne’e atu soke moru ka soke saida ne’e la importante, importante mak iha maioria ida bele hola desizaun ida.

“Kuandu akompaña didi’ak ohin loron iha Timor ne’e parlamentu iha kompeténsia ba buat hotu karik iha prezidente repúblika, ne’ebé bainhira buat ruma sente katak asegura hela votus maioria iha parlamentu nasionál buat hotu bele deside bele la’o la importa ona lei atu iha ka laiha” hatutan tan deputadu.

Deputadu opozisaun ne’e observa katak hare de’it hosi performa ne’ebé mosu iha debate OJE 2020 nian sai sasukat ba inkapasidade governu nian atu ezekuta orsamentu iha fulan 2 nia laran.

“Haree de’it ba iha kapasidade ho de’it performa sira ne’ebé mosu iha debate orsamentu ita hanoin katak oinsá mak sira bele ezekuta ho orsamentu sira ne’ebé sira prevee iha OJE 2020 ba iha fulan rua nia laran, komu iha votus maioria bele deside ida ne’e mak realidade akontese ohin loro”, nia dehan. (Jornalista : Julio Salinas Soares)

 461 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Deputadu CNRT Konsidera Governu Uza De’it…” A few seconds ago

Lee Mós :
Mercados de Manleuana e Taibessi com lixo amontoado

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No