Timor Post (08/10/2020)-Hafoin deklara fó votus afavor ba OJE 2020 Xefe Bankada Partidu Demokrata, Deputadu Mariano Assanami Sabino, antisipadamente (08/10) deklara sei fó tan apoiu ba iha OJE 2021 ne’ebé Governu sei aprezenta iha 15 Outubru.
“PD kaer nafatin ninia prinsípiu katak prontu atu apoiu hodi hakotu impase polítiku, normaliza ekonomia, normaliza funsionamentu instituisaun demokrátiku no normaliza diálogu entre lider sira,” deklara Asanami liu hosi deklarasaun votu hafoin fó votu afavor ba OJE 2020 iha votasaun final global, (08/10).
Tuir mai Asanami deklara razaun PD fó apoiu ba orsamentu Jerál Estadu 2020 ne’ebé aprezenta hosi Oitavu Governu viabilizadu oitavu governu.
PD fó apoiu atu kontinua no halo remata ba dezenvolvimentu infraestrutura, eletrisidade, bee moos, inklui estrada sira ne’ebé mak seidauk hotu. PD Kontinua apoiu atu reforsa polítiku ida liuliu desentralizasaun ho objetivu atu habesik ukun ne’e ba povu no povu ne’e besik ba ukun.
Apoiu ba xefe suku, xefe aldeia, ba konsellu suku, KPK no mós ba estrutura munisípiu sira atu bele aselera lalais deskonsentrasaun ho desentralizasaun para dezenvolvimentu iha rural ne’e bele la’o maka’as no la’o di’ak liu tan.
PD apoiu ba profesores no doutór no médiku sira hotu para Timor oan hotu bele matenek no saudavel, apoiu ba edukasaun, apoiu ba ensinu superior no apoiu ba ministériu saúde tau matan liuliu ba jerasaun foun tanba PD preokupa tebes ho jerasaun foun ne’ebé maka liuliu hosi 1999 mai leten ita projeta sira ba futuru, “ita uluk hamutuk luta ba ukun rasik an, agora tenke projeta fali Timor-Leste ida di’ak liu leno ba jerasaun foun sira,” Asanami informa.
PD nafatin apoiu ba iha modernizasaun ba sosiedade, oinsá mak funsionamentu hosi leten tun ba kraik tenke serbí ho di’ak no mós hosi kraik ba leten tenke kompriende no atu hatene.
PD fó apoiu para kapitaliza banku nasionál liuliu ba orsamentu 2021, PD sei halo proposta para apoiu ida ne’e, tanba banku nasionál bele fasilita setór privadu, setór públiku no bele iha setór kooperativa no mós asosiasaun mikro no pequena empreza sira.
PD fó nafatin apoiu iha 2021 para dezenvolvimentu iha kosta súl ita presiza tebes tanba ohin loron ita dependénsia ba mina rai hosi Bayu Undang, maibé ita tenke aselera lalais para nafatin iha reseita ne’ebé boot para nasaun ne’e sustentavel nafatin ba oin,” Adianta Assanami.
Asanami afirma, PD fó nafatin apoiu liuliu ba iha veteranu ba veteranu nia oan sira, uma ba veteranu 24 anos tenke fó atensaun ba ida ne’e.(Jornalista : Julio Salinas Soares)
491 total views, 3 views today
Oinsa Ita nia Reaksaun iha Notisia Nee?
You have reacted on “PD Antesipadamente Apoiu OJE 2021”
Lee Mós :
SAMES preocupado com cortes de eletricidade devido a temperatura de vacinas contra covid-19
Bele hare Video Seluk :
Subscribe to Timorpost1
/
1928
KOMANDANTE JERAL PNTL HALA’O SORUMUTU HO EMBAIXADORA WANG
GOVERNU XINA PROMETE SEI APOIA MOTORIZADA BALUN BA PNTL
BELUN LANSA RELATÓRIU PESKIZA GAM NO GAR
1
/
1928
