Timor Post (06/10/2020)- Deputadu Bankada Governu, FRETILIN, Joaquim Dos Santos kritika, Ministru Obras Públika tanba ahi iha Postu Administrativu Soibada Munisípiu Manatutu mate hodi komunidade sira difisil akompaña debate Orsamentu Jerál Estadu 2020.
“Ha’u horisehik kedas simu informasaun hosi Komunidade sira iha Postu Administrativu Soibada, Munisípiu Manatutu katak, ahi mate loron ida kalan ida ona difikulta ba komunidade sira atu akompaña transmisaun direta debate OJE 2020 iha Parlamentu Nasionál”, hatete deputadu Joaquim iha diskusaun OJE iha Uma Fukun Parlamentu Nasionál, tersa (06/10).
Alende Manatutu nia simu tan informasaun hosi komunidade sira Postu Administrativu Uatulari, Munisípiu Vikeke katak, ahi mate lakan no sira mós difisil atu akompaña tranzmisaun direita.
“Agora mós ha’u simu tan informasaun hosi Watulari katak sira nia ahi mate lakan, entaun sira labele asesu trasmisaun direita ne’e ho di’ak”, hatutan tan.
Nia parte husu ba governu parte kompetente, liu hosi Ministériu Obras Públika atu responde no rezolve problema ida ne’e.(Jornalista: Jaime Pires)
435 total views, 3 views today
Oinsa Ita nia Reaksaun iha Notisia Nee?
You have reacted on “Deputadu FRETILIN husu Governu Rezolve Ahi Mate…”
