Timor Post (02/10/2020)- Primeiru Ministru Taur Matan Ruak, Orienta nia Vise-Primeiru Ministru José Reis atu hatama projetu sira iha Timor laran tomak ne’e ba aplikasaun mapamentu eletrónika (GPS-sigla Inglés).
Lia hirak ne’e PM hato’o iha parlamentu nasionál, sesta (02/10), hafoin responde deputadu Bankada CNRT Domingus nia perguntas iha parlamentu nasionál, kinta (02/02).
“Kona-ba infraestrutura deputadu CNRT Domingos levanta, ha’u agradese tanba buat ne’ebé mak ita boot ko’alia ne’e mai ho fuan, sentimentu no hanoin ita nia emprezáriu sira, maibé, to’o agora iha 170 milloes, ita nia projetu sira ne’e dezde hosi tinan 2010 to’o 2016, tinan-tinan tau hela osan ida ne’e hodi inflasiona fundu infraestrutura maibé ita nunka solusiona problema setór privadu nian, no fulan-fulan kontinua deskobre projetu sira kontratu laiha.
Sira ne’ebé mak kontratu laiha, ha’u husu ona Vise-Primeiru Ministru José Reis atu hatama projetu hotu-hotu ba iha (GPS), mapamentu eletróniku, kuandu hotu ha’u sei hatudu ba ita boot deputadu sira, katak projetu ne’e halo iha ne’ebé, gasta osan hira no nia kualidade halo nusa, dala ruma projetu rua tolu hamutuk maibé osan tau ketak-ketak”, dehan Primeiru Ministériu iha loron daruak debate OJE 2020 iha Parlamentu Nasionál (02/10)
Xefe órgaun executive husu apoiu hosi Parlamentu Nasionál nian, tanba iha esperiénsia di’ak ida, iha tempu ne’ebé nia sei Prezidente Repúblika, kona-ba inundasaun 2013 iha kosta súl, ne’ebé iha diverjénsia pontu de vista hosi Eis Ministru Obras Públika, Gastão de Souza no Sekretáriu Estadu Obras Públika, Falesidu Luis Vaz Rodrigues, no Parlamentu Nasionál halo inkéritu ida determina ba governu atu selu, ita rezolve problema ida ne’e”, partilla eis Prezidente da Repúblika.(Jornalista: Jaime Pires)
638 total views, 3 views today
Oinsa Ita nia Reaksaun iha Notisia Nee?
You have reacted on “Taur Orienta José Reis Sistematiza Projetu ba GPS”
Bele hare Video Seluk :
Subscribe to Timorpost
