ADVERTISEMENT

Ukun Tinan 10, Taur Defende Xanana iha Loron Daruak Debate OJE 2020

Timor Post - Jeral
  • Share

Timor Post (02/10/2020)—Primeiru Ministru Taur Matan Ruak iha nia intervensaun loron daruak debate Orsamentu Jerál Estadu (OJE) 2020 nian iha jeneralidade, afirma, la fó sala ba Kayrala Xanana Gusmão iha ukun durante tinan sanulu (10) liu ba.

Taur subliña, nia lakohi hatudu liman ba malu, maibé durante tinan 10 nia laran, ema hirak ne’ebé haleu Xanana Gusmão nu’udar Primeiru Ministru maka halo sala.

Taur la ko’alia klaru kona-ba sala saida mak iha, maibé Primeiru Ministru ne’ebé deputadu sira CNRT rasik konsidera defaktu ne’e salienta, Xanana nia komandante. Durante tinan 17 nia dehan, koñese  di’ak liu duke deputadu sira iha Parlamentu Nasionál.

“Ha’u koñese nia (Xanana) di’ak liu ita boot sira hotu,” Taur dehan.

Nune’e, Taur hatete, agora tenke hateke ba oin tanba iha momentu ida ne’ebé nasaun tama iha krize maka ejize timoroan sira tenke hamutuk hodi la’o ba oin.

“Iha tempu susar, ita hamutuk, iha tempu di’ak ita basa liman hamutuk. Labele iha tempu di’ak ita hamutuk, iha tempu susar ita fahe malu,” Taur hatete.

Taur dehan, nia presiza apoiu husi parlamentu nasionál atu bele hala’o servisu ba nasaun ho orsamentu estadu ne’ebé aprovadu, tanba buat barak mak ukun nain sira presiza hala’o ba povu no nasaun ida ne’e.

Taur dehan, lei hotu ne’ebé iha parlamentu rasik maka halo iha mandatu hirak liu ba no agora governu hala’o tuir de’it. “Ami seidauk muda lei ida,” Taur dehan.

Taur dehan, nia la preokupa ho total osan ne’ebé governante sira gasta boot ka kiik maibé importante liu maka ejekuta ho lolo’os tuir filojofia ne’ebé iha.

“Sé parlamentu apoiu ami atu ejekuta ho di’ak liu, duke injiste nafatin ho kapasidade ejekusaun,” Taur hatete.

Entretantu OJE ba tinan 2020 nian hamutuk bilaun $1.497. (cao)

 1,056 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ukun Tinan 10, Taur Defende Xanana iha Loron Da…” A few seconds ago

Lee Mós :
Assanami apoia com equipamentos Movimento Tasi Moos no combate a Covid-19

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No