ADVERTISEMENT

PN La Deteta Violasaun Grave Konstitusionál iha OJE

Timor Post - Nasionál
  • Share

Timor Post (30/09/2020)—Deputadu komisaun A Parlamentu Nasionál ne’ebé trata asuntu justisa no konstituisaun), Joaquin dos Santos hatete, PN la deteta violasaun grave konstitusionál kona-ba prosesu governu hatama Orsamentu Jerál Estadu tinan 2020 ba Parlamentu Nasionál.

“Komisaun la hetan violasaun grave kona-ba konstituisaun, komisaun haree hotu ona, la iha violasaun ba konstituisaun kona-ba prosesuais”, informa Prezidente Komisaun A, Deputadu Joaquin dos Santos, ba jornalista sira iha PN, kuarta (30/09).
Joaquin hatutan, governu iha obrigasaun konstitusionál tinan-tinan tenke hatama osan ba Parlamentu husu atu aprova. Kuandu governu la hatama maka konsidera viola konstituisaun.

“Iha períodu ida obrigatoriu hatama orsamentu entre 15 Setembru to 15 Outubru. Se governu la kumpre, ne’e governu viola regras no prinsípiu konstituisaun”, dehan dos Santos.
Relasiona ho orsamentu 2020 iha 15 Outubru 2019 governu hatama tiha ona mai Parlamentu Nasionál. rejeita ka sumba, la signifika governu labele lori tan orsamentu mai.

“Situasaun orsamentu 2020 nian hanesan ne’e, kuandu governu hetan garantia parlamentár entaun nia hatama, mais mak ne’e labele liu 15 Setembru, entaun governu konsege hetan konfiansa iha Parlamentu, oitavu governu hatama fali proposta mai iha 15 Setembru 2020, entaun prosesu taka iha ne’e no ida ne’e legal tuir normas prosesuais, portantu la iha violasaun de regra”, Joaquin reafirma.

Deputadu rekomenda aban bainrua polítiku sira tenke hanoin didi’ak mak foti desizaun kona-ba atu sumba orsamentu, tanba ninia impaktu ba povu tomak.

“Ita labele halo polítika tanba laran moras, ne’e la rezolve povu nia problema. Ita labele foti desizaun ida de’it ita la konkorda ho ema seluk ne’ebé iha opiniaun loos no ita nia sala, mais ita dehan ita nia mak tenke loos. Ida ne’e perigozu, kuandu ida ne’e mak nafatin eziste iha Timor ne’e, dezenvolvimentu la la’o. Ita tenke halo polítika konxiénsia puru, tau sees tiha ita nia interese partikulár, ita hotu-hotu ba iha interese komún” Joaquin hakotu.(Jornalista: Julio Salinas Soares)

 130 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PN La Deteta Violasaun Grave Konstitusionál iha…” A few seconds ago

Lee Mós:
Identifika Ema Na’in-Rua Pozitivu COVID-19 iha Tasi Tolu Servisu iha Administrasaun Públika
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: