Timor Post (28/0/2020)- Diretora Planu Nasionál Dezenvolvimentu Suku (PNDS) Claudina Soares, segunda (28/09) aprezenta ba Komité Revizaun Orsamentu Polítika (KROP) iha Ministériu Finansas planu harii uma ba kbiit laek sira iha timor laran tomak iha suku 424.
“Ohin ita hetan pedidu hosi Primeiru Ministru hodi mai aprezentasaun relasiona ho implementasaun uma ba kbiit laek ne’ebé mak ita hanoin atu implementa iha purvolta quarto centos e duzentos e quarto sucos”, hatete Diretora PNDS, hafoin aprezenta proposta adisional ba Komite Revizaun Orsamentu Polítika (KROP) iha Ministériu Finansas, segunda (28/09).
Soares hatutan ba uma PNDS propoin adisional purvolta $50 nune’e mós ba reabilitasaun iha sede suku sira
“Total adisional ita propoin mak $51.3 milloes, tanba ba iha reabilitasaun ita proposin $1.3 no ba iha konstrusaun uma ba kbiit laek purvolta $50 milloes” subliña diretora.
Claudina adianta sei harii uma 6 ba kbiit laek tuir kondisaun uma, rendimentu uma laran no hare ba medida iha rai, ne’ebé verifika hosi konsellu suku to’o nivel nasionál, liuhosi servisu hamutuk ho MSSI no mós protesaun sivíl.(Jornalista: Jaime Pires)
2,194 total views, 3 views today
Bele hare Video Seluk :