ADVERTISEMENT

Iha Tribunál, Xanana ‘Basa’ Borlako nia Ulun, Vicente iha Kotuk

Timor Post - Jeral
  • Share

DILI—Eis Primeiru Ministru Kayrala Xanana Gusmão, Kinta (05/12/2019), partisipa iha julgamentu ba nia nu’udar sasin ba kazu sosa karreta ba parlamentu nasionál iha lejislatura daruak.

Kazu ne’ebé involve eis Prezidente Parlamentu Nasionál interinu Vicente Guterres ho eis Diretor Aprovizionamentu iha Ministériu Finansas, Francisco Borlako ne’e, iha juis sira nia oin, Xanana rekoñese, prosesu sosa karreta ne’e hala’o duni husi arguidu sira.

ADVERTISEMENT
SCROLL FILA BA NOTISIA


Nia haktuir, iha momentu ne’ebá nia simu duni karta ida husi eis Prezidente Parlamentu Nasionál, Saudozu Fernando La Sama de Araújo kona-ba sosa karreta.

Nune’e mós, nu’udar Primeiru Ministru, nia hatene duni katak, parlamentu nasional presiza duni karreta tanba iha tempu ne’ebá laiha kondisaun ba deputadu sira. “Ne’e urjensia la’ós emerjénsia,” Xanana hatete.

Lee Mós :
Investor Estranjeiru Nasaun Hitu Sei Partisipa Eventu Caravana Artístika 2023

Hatan tiha ida ne’e ba defeza nia pergunta, julgamentu la’o la to’o minutu 30, juis deside hapara julgamentu ho Xanana no bele fila, hodi fó fali tempu sasin seluk.

Nune’e, bainhira Xanana hamriik husi kadeira julgamentu, nia fila husi sorin karuk, iha ne’ebé Borlako tuur ba, Borlako hola komprementa no Xanana fo resposta komprementa ne’e ho kaer liman no hanesan baibain, Xanana basa halimar iha Borlako nia ulun maibé la hasai liafuan ida no la’o dadauk sai husi sala audénsia.

Lee Mós :
Akademista Preokupa Desizaun MS

Iha sala audénsia ne’e, Vicente Guterres ho arguidu ida seluk tuur iha kadeira liman kuanan.  No iha kadeira públiku iha kotuk okupa husi membru governu balun no eis membru governu, deputadu no eis deputadu balun, kolega husi arguidu sira nian no sasin sira.

Hu’un ba kazu ne’e maka, arguidu sira iha prosesu ne’e konsideradu pronunsia tiha benefísiu ilejítimu ida ba kompania ne’ebé sosa karreta ba etapa dahuluk, Midori Motors hodi hamosu prezuiu ba estadu pelumenus rihun $ 400.00 kada karreta adkiridu, iha data hanesan kompañia Nova Breeding and Trading Unipesoal fornese karreta hanesan ho folin baratu liu $ 400.00.

Lee Mós :
FM: Taka Atividade GAM-GAR La'ós Solusaun

Tanba ne’e ministériu públiku konsidera arguidu Vicente Guterres komete krime Partisipasaun Ekonomia iha negósiu artigu 299 KP, no artigu 2 lei indonesia nian kontra korrupsaun.

Arguidu João Amaral, akuza mós ho krime hanesan, no arguidu Francisco Borlako, akuza mos ho krime hosi artigu 299 nian hotu iha kódigu penal Timor-Leste nian.

Kazu ne’e seidauk iha desizaun ikus tanba tribunal sei rona tan sasin seluk. (cao)

Informasaun kompletu Lee iha Jornal Diariu Timor Post, Edisaun 06/12/2019.

 647 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Iha Tribunál, Xanana ‘Basa’ Borlako nia Ulun, V…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No