ADVERTISEMENT

Governu fó Xamada ba Arte Marsiál PSHT

Timor Post - Jeral
  • Share

Timor Post (21/09/2020)—Governu liuhusi Sekretária Estadu Juventude no Deaportu (SEJD) fó xamada ona ba arte marsiál Organizasaun Persaudaraan Setia Hati Terate (PSHT) ne’ebé mak nia membru sira kontinua tama ilegal iha fronteira.

“Ami bolu ona lider organizasaun arte marsial ne’ebé mak nia membru sira kontinua kruza ilegal fronteira liu-liu PSHT,” Sekretáriu Estadu Abrão Saldanha haktuir ba jornalista sira iha Ministériu Finansas, Aitarak-Laran, Segunda (21/09).

Nia hatete, xamada ne’ebé nia parte fó bazeia ba dadus investigasaun sira ne’ebé mak polísia nasionál halo.

“Ami bolu ona no informa ba sira no iha dadus investigasaun sira ne’ebé mak Polísia Nasionál halo ne’e ami fahe ona ba sira hodi sira fó atensaun ba nia mebru sira,” Abrão subliña.

Nia mós husu ba aArte marsial sira tenke hakmatek ona hodi fó tempu ba governu atu prepara di’ak liután kondisau, atu reintegra fali arte marsial sira iha komunidade no sosiedade sira nia le’et.

Fó hanoin fali katak, arte marsiál PSHT, KORK no IKS, governu reativa atividade iha tinan kotuk hafoin governu anterior deside taka iha tinan hirak liu ba tanba nia membru sira sempre halo krime.

Governu reativa atividade arte marsial sira ne’e tanba konsidera hanesan parte ida husi desportu.

 

Lee Mós :
Ema Deskoñesidu Ataka Militante FRETILIN, Seguransa Lansa Tiru Teu

Jornalista: Jaime Pires

 734 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu fó Xamada ba Arte Marsiál PSHT” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No