Timor Post (17/09/2020)-Xefe Bankada Frente-Mudansa, Deputada Isabel Ximenes, deklara konkorda ho deklarasaun partidu Fretilín iha abertura sesaun lejizlativa datoluk katak atu avalia ba Planu Estratéjiku Dezenvolvimentu Nasionál (PEDN) tanba ultrapasadu, maibé planu determina ona iha períodu klaran tan ne’e presiza konsensu.
“Ita haree buat ida planu ne’e atraza maibé ida ne’e planu determinadu ona, ita labele muda iha períodu klaran ne’e konserteza labele, ha’u sente deklarasaun ida Fretilín hato’o hanesan sei iha ninia deklarasaun, seidauk iha prosesu ida atu akontese tan ne’e presiza konsensu” deklara Isabel ba jornalista sira iha parlamentu nasionál, Kinta (17/09).
Deputada ne’e akresenta atu halo mudansa ba PEDN presiza iha polítiku konsensu nasionál no tenke iha diálogu ne’ebé, nivel la’ós partidu ne’ebé iha governu, maibé ne’e ko’alia kona ba nasaun laran tomak, ne’ebé presiza involve ema barak.
“Saida mak presiza hadi’a bele halo planu la’ós ita ko’alia iha períodu klaran atu halo avaliasaun sente ida ne’e halo avaliasaun bele mas atu muda estratéjia sente ida ne’e hanoin ho respeitu tomak Fretilín tenke hanoin katak presiza ema hotu involve iha laran,” nia tenik tan.
Antes ne’e deputadu bankada Fretilín Joaquim dos Santos deklara iha abertura sesaun solene lejizlativa datoluk katak metas PEDN 2011 no 2015 la atinje no ultrapasadu presiza atu halo avaliasaun tanba ultrapasadu.(Jornalista Julio Salinas Soares)
333 total views, 3 views today
