Timor Post 14/09/2020-Prezidente Repúblika, Francisco Guterres Lú Olo, ohin iha Palásiu Prezidénsial Nicolau Lobato, Díli, 14 Setembru 2020 promulga Dekretu-Lei ba kriasaun subsídiu ba profisionais ne’ebé dezenvolve atividade jornalístika durante implementasaun estadu emerjénsia ho kondisaun espozisaun direta ba virus SARS-Cov2.
Informasaun ne’ebé fó sai hosi Mídia PR katak, Profisionais ne’ebé dezenvolve atividade jornalístika iha papél importante tebetebes tanba responsabiliza ba preparasaun no diseminasaun informasaun hotu-hotu relasiona ho prevensaun no kontrolu surtu COVID-19 iha Timor-Leste.
Profisionais ne’ebé dezenvolve atividade jornalístika iha Centro de Convenções de Díli, no iha lokais ne’ebé dezenvolve asoins prevensaun no kontrolu, nomeadamente iha sentru izolamentu, postu sira iha fronteira no estabelesimentu saúde, ho kondisaun espozisaun direta ba virus SAR-Cov-2 no risku ba dezenvolvimentu moras COVID-19.
Dekretu-Lei ne’e kria subsídiu ba profisional sira ne’ebé dezenvolve atividade jornalístika, tuir Lei númeru 5/2014, 19 Novembru, Lei Komunikasaun Sosiál, hamutuk ho Sala Situasaun Sentru Integradu Jestaun Krize durante implementasaun estadu emerjénsia deklaradu no renovadu husi Dekretu Prezidente Repúblika númeru 29/2020, 27 Marsu, 32/2020, 27 abril no 35/2020, 27 maiu, ho kondisaun espozisaun direta ho virus.
Kondisaun sira ba atribuisaun subsídiu, tuir Dekretu-Lei, mak profisinal sira ne’ebé dezenvolve atividade jornalistika hamutuk iha Sala Situasaun Sentru Integradu Jestaun Krize ka tanba Governu husu atu halo produsaun notísia durante implementasaun estadu emerjénsia sei hetan subsídiu finanseiru ba kada loron efetivu serbisu ninian, tuir kondisaun sira ne’ebé temi iha Dekretu-Lei ne’e.
Profisionais ne’ebé sei hetan subsídiu ne’e mak sira ne’ebé integra iha Sentru Média COVID-19 husi Unidade Informasaun Públika no profisionais ne’ebé la integra iha Sentru Média COVID-19.
Ministru ba Asuntu Parlamentár no Komunikasaun Sosiál sei atribui subsídiu bazeia ba informasaun husi Sala Situasaun Sentru Integradu Jestaun Krize ka husi Diresaun Nasionál ba Diseminasaun Informasaun, liuhusi depaixu hodi aprova lista profisionais ne’ebé dezenvolve atividade jornalístika no prienxe kondisaun temi iha Derektu-Lei ne’e.
Dekretu-Lei ne’e aprova iha Konsellu Ministru, iha 12 Agostu 2020. Prezidénsia Repúblika simu Dekretu-Lei ne’e, iha 28 Agostu 2020.(MÍDIA PR)
608 total views, 3 views today
Oinsa Ita nia Reaksaun iha Notisia Nee?
You have reacted on “Estadu Fó Subsídiu Ba Profisional Ne’ebé Dezenv…”
Bele hare Video Seluk :
Subscribe to Timorpost
