Timor Post (09/09/2020)- Ministru Obras Públika Salvadór Pires ezonera José Luis de Carvalho nomeia fali Ermenegilda da Costa ba fali prezidente Konsellu Administrasaun iha Institutu Jestaun Ekipamentu (IJE) Timor-Leste.
“Konsellu Ministru aprova projetu rezolusaun governu nian hosi MOP ba ezonerasaun José Luis de Carvalho hodi nomeia fali Ermenegilda da Costa ba fali Prezidente Konsellu Administrasaun Institutu Jestaun Ekipamentu Timor-Leste nian” informa Ministru Prezidensiál Konsellu Ministru Fidelis Leite Magalhãs ba Jornalista sira iha Palasiu Governu, kuarta (09/09).
Portavós KM ne’e adianta projetu rezolusaun governu ne’ebé halo ezonerasaun ba José Luis de Carvalho ne’e aprezenta hosi Ministru Obras Públika Salvadór Pires.
Enkuantu, ba motivu saida mak halo ezonerasaun ne’e Fidelis hatan, nia parte labele fó esplikasaun detalla maibé klaru liu konfirma direita Ministru Obras Públika.
“Ohin projetu rezolusaun hosi ministériu obras publika, hodi halo ezonerasaun no eleitu ne’e aprova ona hosi konsellu ministru” subliña.(Jornalista: Jaime Pires)
416 total views, 3 views today
