Timor Post (02/09/2020)—Portavos Rejisténsia Nasionál Defende Justisa no Konstituisaun RDTL, Angela Freitas, konsidera áktu serku militár ba nia residensia, sai hanesan sede RNDJ-KRDTL nian hatudu momós ba mundu nasaun Timor-Leste dada’uk ne’e aplika ona “ditadura militár”.
“Situasaun agora dada’uk ne’ebé ita hotu akompana hatudu katak iha ita nia rain komesa ona atu aplika ditadura militár”, dehan Portavos RNJD-KRDTL, Angela Freitas, ba jornalista iha nia Residensia Bairru Sentrál, kuarta,(02/09).
Hare ba situasaun ne’e hanesan hanesan portavos nia tetu áktu sira ne’e ba asaun pasifiku ne’ebé termina ona iha dia 4 Setembru semana ida ne’e adia fali ba tempu seluk no seida’uk determina lolo’os data fiksu.
“Ami sei muda fila fali data ne’e tanba ho akontesementu ne’ebé ke akontese horseik (tersa,01/09) kanek ida ba ita nia populasaun tomak, massa ne’ebé atu tun iha distritu 13 kestiona tebes kona-ba atuasaun militár interven ne’e,”Angela hatete.
Nia lamenta iha lei militár nia kna’ar maka atu asegura nasaun hosi ameasas externa ka hosi liur, maibé haree momos katak ho intervensaun militár nian ne’e hasai fali kna’ar Polísia nian.
“ Atuasaun ba kualker movimentu ne’ebé atu halo demonstrasaun tuir lolo’os kna’ar Polísia nian, maibé militár maka agora hakat liu fali Polísia nia kna’ar,”katak Portavos RNJD-KRDTL.
Angela dezafia sidadaun hotu tenke hamutuk atu hola responsabilidade para haree fila fali kestaun sira ne’e, nune’e labele prejudika fali ba sidadaun sira atu la’o livremente hodi expresa saida maka akontese iha ita nia rain.(Jornalista: Jaime Pires)
881 total views, 6 views today
Bele hare Video Seluk :
Subscribe to Timorpost
