ADVERTISEMENT

Militár Destaka Besik Sede Angela Freitas 

Timor Post - Nasionál
  • Share

Timor Post (01/9/2020)-Iha loron 1 Setembru 2020 maizumenus (14:15) membru FALINTIL-Forsa Defeza de Timor-Leste (F-FDTL) karreta isin ida ho arma militár  destaka besik sede Rezisténsia Nasionál Defende Justisa no Konstituisaun (RNDJK) ne’ebé lidera hosi Ângela Freitas, iha Bairru Formoza Dili.

Jornalista nota elementu forsa kuaze na’in 10 ho enkantu karreta militár númeru matríkula F-FDTL 234.

Iha fatin refere elementu sira hamriik iha fatin tolu husi parte sentru Formoza na’in rua,   parte   Otel Luz Clarita nia oin na’in rua, na’in haat iha karreta laran.

Entretantu Portavós RNDJK la iha fatin, maibé liuhosi telefone ho jornalista Angela Freitas afirma,  tuir loloos militár labele halo ameasa ba nia sidadaun sivíl sira ne’ebé atu espresa sira nia hanoin tanba konsagradu iha konstituisaun. Maiske nune’e nia parte prontu koopera karik hetan kaptura.

“Ha’u agora daudaun laiha fatin, tanba sira konsentra iha ne’ebá dehan atu halo kapturasaun, tanba loloos ne’e militár labele halo ameasa sidadaun sivíl ne’ebé atu espresa sira nia hanoin, tanba konsagra tiha ona iha Konstituisaun RDTL, tanba ne’e ameasa ba sidadaun sivíl ne’e krime, ne’ebé karik halo kapturasaun ami sempre koopera, tanba ami la halo krime, tanba ita hotu akompaña katak durante ne’e ami halo buat sira ne’e tuir hotu prosesu, ne’ebé ami hetan ona legal husi PNTL para atu akompaña ami nia manifestasaun”, dehan Ângela ba  jornalista sira via telefone, Tersa (01/09).

Antes ne’e  Angela halo propaganda politik katak Jenerál Taur Matan Ruak kualidade Primeiru Ministru atuál no Prezidente da Repúblika  Francisco Guterres Lú-Olo la serve ona ukun nasaun ne’e.

Ajitasaun portavós  RNDJK ne’e nian korta direta  hosi Xefe Estadu Maior Jenerál FALINTIL-Forsa Defesa Timor Leste (F-FDTL), Maijor Lere Anan Timur hodi dehan, sei la fó fatin ba kualkér ema atu hatún ukun na’in funu na’in sira hahú hosi Xanana, Ramos Horta, Alkatiri  Lu-Olo Taur Matan Ruak no seluk tan.

Hosi parte seluk Polisia Nasionál Timor-Leste (PNTL) autoriza ona Angela ho nia grupu halo manifestasaun, maibé bainhira tama ba anarkizmu PNTL sei hapara kualkér tempu.(Jornalista: Jaime Pires)

 591 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Militár Destaka Besik Sede Angela Freitas “ A few seconds ago

Lee Mós:
Taur Retira Nia Pedidu Demisaun husi Lu Olo
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: