Timor Post (26/08/2020)-Portavos Resistensia Nasionál Defende Justisa no Konstituisaun, Angela Freitas, hatete Prezidente Repúblika, Francisco Guterres “Lú-Olo” no Primeiru Ministru Taur Matan Ruak, la merese ukun tanba viola konstituisaun RDTL.
“Sira nain rua nain la merese atu ukun tanba viola konstituisaun, tan ne’e husu sira nain-rua nia konxiensia katak ita labele abuza poder atu halo konfirma tuir ita nia hakarak ou tuir ita nia postu. Nasaun demokratiku Timor-Leste ne’e iha regra, iha konstituisaun, konstituisaun maka orienta nai ulun sira atu ukun rai ida ne’e, atu ukun povu ida ne’e”, hateten Angela liu hosi konferensia imprensa ba jornalista sira iha nia residensia BairrBairru Formosa, Dili, Kuarta (26/08).
Angela kestiona tanba saida mak akontese beibeik ema soe bebé, ema sona malu iha fatin-fatin, sunu uma hana malu tanba laiha lei, lei ne’e nain ulun sira sama tiha ona, ekonomia paradu total, Arte marsiais ne’ebe loloos labele sai Partidu politik maibe ohin loron sai Partidu politik, Ita koloka ema inkapasidade kaer ukun oinsa mak nia atu bele jere nasaun ne’e, ita nia matenek nain sira agora sai penontong.
Angela hatutan to’o ohin loron estadu ka governu seidauk valoriza loloos veteranu, feto faluk no oan kiak sira iha rai ida ne’e to’o ohin loron kontinua sai penontong nafatin, ema sira ne’ebe uluk lakohi atu ukun-an ohin loron sira mak hetan previleizu.
“Hau hanoin buat barak sei iha failansu ne’ebe ita presiza hadi’a. Ita lakohi hadia ita rasik mak fo dalan ba ema seluk atu mai invade fali uza oportunidade politik ne’ebé mak ohin loron ita hasoru, tanba ne’e presiza hadia sistema governasaun, tanba durante sistema boa governasaun la’o ladun di’ak, ne’ebé hanoin tempu to’o ona halo mudansa radikal” afirma Angela.(Jornalista: Julio Salinas Soares)
650 total views, 3 views today
Oinsa Ita nia Reaksaun iha Notisia Nee?
You have reacted on “Angela: Lú-Olo ho Taur La Merese Kaer Ukun tanb…”
Bele hare Video Seluk :
Subscribe to Timorpost
