ADVERTISEMENT

Angela: Lere Lalika ‘Subar’ iha Farda

Timor Post - Jeral
  • Share

Timor Post (24/08/2020)-Portavós Movimentu ba Dame, Angela Freitas, segunda (24/08) aprezenta pedidu rekunesimentu ba polisia ba asaun Pasífiku kontra Prezidente da Repúblika Francisco Guterres Lu-Olo.

Hafoin fila hosi Kuartél Jerál PNTL, Prezidente Trabalhista diretamente husu ba Xefe Estadu Maiór Jenerál Falintil-Forsa Defeza Timor-Leste, Majór Jenerál Lere Anan Timur, katak labele ‘subar an’ iha farda kolia kontra sidadaun sira ne’ebé hakarak defende lia loos.

“Nu’udar Xefe Estadu Maiór Jenerál F-FDTL, Majór Jenerál Lere Anan Timur tuir lei la autoriza mete polítika maibé haree liu ba áktu krime sira ne’ebé polítiku nian sira halo iha Parlamentu Nasionál hodi harahun Meza no kadeira, la’ós mai fali ho forsa ba sidadaun sira ne’ebé hakarak fó espresaun livremente kona-ba sira nia rain iha situasaun grave.

Deklarasaun Lere iha públiku hanesan ameasa ida ba sidadaun no polítiku balu ne’ebé hakarak buka lia loos”, hateten Angela hodi responde ba Majór Jenerál Lere Anan Timur nia deklarasaun.

Angela hatutan tan katak sidadaun hotu iha responsabilidade perante proteje ninia soberania iha kualkér situasaun ne’ebé haree katak Viola Konstituisaun, tanba ne’e Tuir nia la’ós tempu ona para atu lori Forsa ameasa sidadaun sira.

“Ami lamentavel tebes ba deklarasaun senor Jenerál Lere, ita lalika lori ho ita nia Forsa, ho ita nia farda Militár para atu ameasa sidadaun sira, I liu-liu polítika sira ne’ebé hakarak defende lia loos”, Ângela reafirma.

Hare ba movimentu Angela ho nia grupu Xefe Estadu Maiór Jenerál F-FDTL, Majór Jenerál Lere, hatete, Angela Freitas, bainhira rai ida ne’e iha situasaun hakmatek la haree nia oin, más mosu fali bainhira Estadu ida ne’e hasoru Krize 2006.

“Ha’u hatete loloos katak, Angela ne’e uluk iha situasaun hakmatek, ha’u la haree nia oin iha ne’e, kuandu Krize ne’e mak nia foin mai iha ne’e halo deklarasaun, husik ba ne’e Demokrasia, ne’e direitu Angela nian, ha’u lakohi atende deklarasaun sira ne’e, más husu para deklarasaun sira tenke tuir duni Konstituisaun no Leis hirak ne’ebé vigor iha ita nia Estadu Direitu Demokrátiku ida ne’e”, Lere antes hatete iha Palasiu Prezidente Repúblika Ai-tarak Laran, dia 01 Jullu liu ba.

Entretantu kona bá asaun hasoru Prezidente Portavós Movimentu ne’e deklara oras ne’e iha ona asinante hamutuk rihun-188 no sei rekolla tan asinante rihun-300. Tui nia númeru ne’e la’ós grupu maibé ne’e povu maka sei partisipa iha asaun Pasífiku ne’ebé tuir oráriu sei realiza iha loron 28 Fulan Augustu 2020.(Jornalista: Jaime Pires)

 1,200 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Angela: Lere Lalika ‘Subar’ iha Farda” A few seconds ago

Lee Mós :
FRETILIN Konkorda Estensaun EE, KHUNTO Kontra

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No