ADVERTISEMENT

Eis FALINTIL Hasoru Malu ho PM Taur Matan Ruak

Timor Post - Jeral
  • Share

Timor Post (24/08/2020)- Eis Falintil rejiaun I-IV ne’ebé sai iha Aileu 2002, Segunda (24/08) hasoru Primeiru Ministru no Ministru Interior Taur Matan Ruak iha Palasiu Governu tanba saudades.

“Ami mai ko’alia ho Primeiru Ministru kona-ba Aileu ninian tanba kuaze tinan ruanulu resin ona ami nunka hasoru malu, dezde iha Aileu komesa fahe malu to’o ohin loron nunka hetan malu entaun agora halibur malu fali mai Hasoru Eis Xefe Falintil hodi fó hanoin balun” hateten porta voz Frederico de Jesus “Mau Ki’ak” hafoin ho nia kolega remat sorumutu ho Primeiru Ministru Taur Matan Ruak iha Palasiu Governu, segunda (24/08).

Kiak adianta foin daudauk halibur malu iha Konsellu Veteranu nia okos atu hasoru Primeiru Ministru hodi bele fó hanoin netik sira tanba kuaze tinan 20 resin nunka hasoru nune’e mós kolega sira balun mate ona no balun idade ona entaun ida ne’e mak ami mai hasoru Primeiru Ministru.

Kiak informa iha soru mutu ne’e Primeiru Ministru fó hanoin ba sira maizumenus oinsá hodi sira mós hanesan ho sira nia maun sira seluk hodi loron boot ruma bele hamriik netik iha oin se lae sira iha kotuk de’it.

“Ami fó hanoin hodi ami mós hanesan ho ami nia maun sira seluk hodi loron boot ruma ami mós hamriik netik liña oin se lae ami mak iha kotuk hela de’it komesa iha Aileu tun mai fahe malu entaun ami fó hanoin ba malu mai hasoru primeiru ministru”, hatutan Kiak.

Entretantu kona bá ezijénsia saida maka sira hato’o Kiak dehan segredu.
“Ami nia ezijénsia ne’e ami labele ko’alia ne’e segredu”, Kiak hakotu.(Jornalista: Jaime Pires)

 725 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eis FALINTIL Hasoru Malu ho PM Taur Matan Ruak” A few seconds ago

Lee Mós :
Xefe Estadu Preokupa Krize Mina iha Timor

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No