Timor Post (04/8/2020)-Akadémiku hosi Fakuldade Siénsia Polítika Universidade Nasionál Timor Lorosa’e (UNTL), Felisberto de Carvalho, nota katak pedidu estadu emerjénsia dahaat hosi Governu ba Prezidente Repúblika, Francisco Guterres “Lú-Olo” falun ho interese polítika.
“Ita haree momoos katak governu propoin tan ba xefe estadu atu deklara tan estadu emerjénsia ba dahaat ne’e ho intensaun intensaun ida polítika mak kahur iha laran,” Felisberto ba Timor Post, Tersa (04/08/2020).
Felisberto akresenta governu haree Ângela Freitas ho nia grupu no estudante, organizasaun sosiedade sivíl sira inklui asosiasaun jornalista sira hahú hala’o asaun kontra governu, entaun halo pedidu ne’e hodi limita movimentu ema nian.
“Situasaun sira ne’e hotu governu komesa fuan kii, tanba ne’e atu labele intrompe atividade governu nian, entaun di’ak liu governu deklara tan estadu emerjénsia atu evita movimentu sidadaun sira nian, atu nune’e hodi labele halo asaun kontra governu nia desizaun sira ne’e, tanba ne’e mak ha’u dehan estadu emerjénsia sira ne’e nakonu ho desizaun polítika”, hatutan de Carvalho.
Tuir nia, estadu la presiza deklara estadu emerjénsia ho oras ida hanesan ne’e, tanba iha Indonézia ema nia aeroportu komesa loke fali ona no iha fulan oin sira atu loke tan ba iha international flight tanba ne’e kestiona halo nusa mak iha Timor tenke deklara estadu emerjénsia.
“Ida ne’e ha’u haree katak iha motivu polítika ou atu evita movimentu ema nian liuliu ba estudante sira halo daudaun asaun pasifika kontra governu, hodi nune’e lei sira ne’e bele pasa hodi hasai osan ho livre ba Covid-19 ne’ebé buat sira ne’e hotu ho motivu polítika atu hodi asegura sira nia podér” subliña akademista.
Entretantu Primeiru-Ministru (PM), Taur Matan Ruak informa, segunda vaga transmisaun pesti corona (COVID-19) iha Timor-Leste rejísta fali kazu pozitivu ida.
“Horseik Konsellu Ministru deside avansa bá estadu emerjénsia, blokeia ita-nia fronteira, ohin dader ha’u mós to’o mai ministériu saúde informa ita iha primeira kazu. Hanesan buat KM sdeside par ohin ita iha kazu ida,” dehan PM Taur iha jornada orsamentu iha salaun auditorium Kayrala Xanana Gusmão ministériu finansas Tersa (04/07).
Entretantu, governu solisita ba Prezidente Repúblika, atu dekreta estadu emerjénsia ho forma parsiál no aplika de’it iha fronteira inklui pontu entrada sira.
(Jornalista Julio Salinas Soares)
1,018 total views, 3 views today
Oinsa Ita nia Reaksaun iha Notisia Nee?
You have reacted on “Governu Estende Estadu Emerzénsia ho Intensaun …”
Bele hare Video Seluk :
Subscribe to Timorpost1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949
