ADVERTISEMENT

Ezbosu Kriminaliza Difamasaun Amostra Inkapasidade Governu

Timor Post - Jeral
  • Share

Timor Post (03/08/2020)-Diretór Forum Organizasaun Timor-Leste (FONGTIL) Daniel dos Santos, konsidera Governu amostra inkapasidade sé ezbosu kriminaliza difamasaun pasa.

“Kuandu lei ida ne’e mosu amostra inkapasidade ita nia governu nian, atu fó resposta ba problema sosiál ne’ebé ita nia povu enfrenta, entaun hakarak halo lei hodi kriminaliza para salva sira nia an”, hatete Daniels iha Asaun Pasífiku ne’ebé organiza hosi FMTL no AJTL kontra Ministru Justisa relasiona ho ezbosu lei refere iha resintu Fakuldade Ekonomia UNTL Liceu Dili, Segunda (03/08).

ADVERTISEMENT
SCROLL FILA BA NOTISIA


“Kuandu lei ida ne’e implementa povu labele halo ona kritika, entidade labele kritika, mídia hakerek labele kritika no sira halo buat ruma tuir sira nia gostu de’it, tan ne’e parte sosiedade sivíl kontra total lei kriminaliza difamasaun ne’e”, hatutan dos Santos.

Lee Mós :
PNTL Koordena Haruka Manifestante Grupu Povu Ki'ik Fila Ona

Diretór Fongtil haktuir Sosiedade sivíl rejeita total no esforsu hotu halo ona, halo paraser ho ministru Justisa, ho parlamentu inklui halo ho lider sira hotu iha rai ida ne’e kona ba pozisaun rejeita kriminaliza difamasaun.

Ativista ne’e hakle’an iha nasaun membru ASEAN konsidera Timor-Leste sai país ida úniku sira hosi ne’ebá bele aprende saida mak liberdade espresaun hosi TL.

Lee Mós :
La Akontese Konsensu, Governu “Altera” Proposta Buka Maneira Seluk

Nia mós kompara esperiénsia ida iha Portugal bainhira Governu kriminaliza difamasaun maibé kuandu tinan 4 nia laran sira halo períodu universal ba Konsellu altu nivel direitus umanus, Portugal hetan rekomendasaun hosi Konsellu altu nivel direitu umanu katak hasai tiha kriminalizasaun difamasaun iha Portugal.

“Ita nia luta objetivu klaru mak luta kontra polítika governu nian kona ba kriminaliza difamasaun”, afirma liután.
Entretantu Prezidente Asosiasaun Jornalista Timor-Leste (AJTL), Maria Zeovania Viera, mós rejeita total ezbosu lei refere hodi kontinua hakilar promove liberdade imprensa no espresaun.
“Ita kontinua hakilar, maski ita kiak maibé nasaun barak mak aprende hosi ita kona ba liberdade espresaun di’ak liu hosi nasaun sira Seluk”, kompara Zevonia.

Lee Mós :
Discurso o Primeiro-Ministro Taur Matan Ruak: Apresentação da Proposta de Lei do OGE para 2020

Atuál Diretora online neonmetin.com hatutan nasaun sira iha AZEAN sira mós preokupa tanba karik lei kriminaliza difamasaun aprova duni iha Timor sei fó ameasa be liberdade iha TL tanba ne’e AJTL ho nia membru tomak ho ativista hakarak hakilar no kontinua promove liberdade iha Timor-Leste.(Jornalista Julio Salinas Soares)

 555 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ezbosu Kriminaliza Difamasaun Amostra Inkapasid…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No