Timor Post (23/07/2020)—Konsellu Polítika Nasionál (CPN sigla Portugués) Partidu CNRT akompaña, evolusaun polítika iha Rai laran, ikus-ikus ne’e, la’o maka’as tebes liu-liu kona-ba tendência atu forma ka harii partidu polítiku. Personalidades barak maka buka halibur malu hodi harii partidu polítiku foun atu, nune’e, bele konkorre ba eleisaun jeral tuir mai né.
Partidu CNRT, liu hosi CPN akompaña ho besik evolusaun ida ne’e, tanba iha ligasaun tebes ho dezenvolvimentu ba demokrasia iha ita-nia rai laran.
Haré ba evolusaun ne’e, maka CPN-CNRT husu ba kuadrus, militantes no simpatizantes sira atu labele envolve-an iha kualker atividade polítika nebé la’ós partidu CNRT nian, tanba Presidente Partidu ho CPN la fo apoiu no la haruka ema ruma harii partidu foun.
“Oras ne’e, Presidente Partidu Maun Boot Kay Rala Xanana Gusmão hamutuk ho CPN kontinua konsolida partidu, tanba ne’e, maka presiza tebes kuadrus, militantes no simpatizantes sira ninia partisipasaun, hodi hametin partidu atu resolve problemas sira nebé, oras né daudaun, ita-nia nasaun hasoru hela. Nunee maka apela ba kuadrus, militantes no simpatizantes sira hodi hamrik metin nafatin iha Partidu CNRT hamutuk ho Maun Boot Kay Rala Xanana Gusmão,” Vise Prezidente CNRT, Virgílio Smith afirma iha konferénsia ba imprensa ne’ebé hala’o iha Sede Sentral CNRT, Bairro dos Grilhos, Dili.
CNRT, Virgílio subliña, partidu ida nakloke ba ema hotu nebé komunga ideais no prinsípios CNRT nian, nebé hatúr ona iha Estatuto Partido-nian, aprovado iha Congresso Nacional de 2017, no mós ideais no prinsípius Estado-nian, nebé konsagra iha Constituição RDTL, hanesan Estado de Direito Democrático. Tanba ne’e maka CNRT sei esforsa-an tebes atu konsolida ninia estrutura tomak, hodi nune’e bele kumpre ninia obrigação, ba Nação no ba Povo, atu hatúr fila fali Estadu Direitu Demokratico iha Rai doben ne’e. (cao)
1,728 total views, 3 views today
Oinsa Ita nia Reaksaun iha Notisia Nee?
You have reacted on “CNRT Defende Katak Xanana La Autoriza Harii Par…”
Bele hare Video Seluk :
Subscribe to Timorpost1
/
1928
Autoridade PNTL Enkontru tripartida Urjente ho Embaixada Xina
GOVERNU XINA PROMETE SEI APOIA MOTORIZADA BALUN BA PNTL
BELUN LANSA RELATÓRIU PESKIZA GAM NO GAR
1
/
1928
