Timor Post (20/07/2020)—Vise-Xefe Bankada Parlamentár Kmanek Haburas Unidade Nasionál Timor Oan (KHUNTO), atuál Vise Prezidente Parlamentu Nasionál, Deputadu Luis Roberto, husu deskulpa ba povu tomak no igreja ba nia liafuan husu Padre sira hasai tiha batina maka mete polítika.
Estilu deputadu Luis nian bainhira halo intervensaun iha plenária uma fukun Parlamentu Nasionál ho respeitu tomak hamriik husi nia tuur fatin hodi rekoñese katak, karik liafuan ne’ebé nia temi sala, nu’udar umanu nia husu deskulpa.
“Liu husi Parlamentu ida ne’e, ha’u liuhusi bankada KHUNTO hakarak husu deskulpa ba deputadu tomak iha Parlamentu Nasionál ida ne’e, deskulpa mós ba Igreja i ba sarani tomak, no deskulpa mós ba maluk Timor-oan iha estranjeiru,” Luis ho hakraik-an subliña.
Nia rekoñese ko’alia duni liafuan ne’e, maibé karik sala nia lori naran KHUNTO husu deskulpa. “Ha’u nia intervensaun kona-ba haruka amu sira atu halo ‘polítika karik hasai batina’ iha ha’u nia intervensaun ida ne’e, karik sala, ha’u nu’udar ema sala na’in, ou husi sala mak ba loos, atan ha’u em nome bankada KHUNTO husu deskulpa ba povu tomak no militante KHUNTO tomak,” Luis hatutan iha nia intervensaun polítika iha sala plenária, Segunda (20/07/2020).
Luis friza deklarasaun deskulpa antes ne’e iha loron 15 de Jullu, Konselleiru Supremu (NAIMORI) no Estrutura KHUNTO hato’o ona ba públiku no husu atu hapara ona kontrovérsia entre Igreja Katólika ho partidu KHUNTO.
Entretantu kontrovérsia entre parte igreza ho partidu KHUNTO mosu iha públiku relasiona ho juramentu hemu ran no uza atributu igreja nian konsideradu kontra igreja Katóliku. (Jornalista: Julio Salinas Soares)
741 total views, 9 views today
Oinsa Ita nia Reaksaun iha Notisia Nee?
You have reacted on “Estilu Deputadu KHUNTO Bainhira husu Deskulpa b…”
Bele hare Video Seluk :
Subscribe to Timorpost1
/
1935
#GOVERNURONA - IMPLEMENTASAUN IX GOVERNU KONABA DESENTRALIZASAUN PODER LOKAL
PROBLEMA TORRE, DEFÍSIL KOMUNIKA LIU HOSI RÁDIU KOMUNIKASAUN
PN HUSU GOVERNU FASILITA UPM KONTROLU PESKA ILEGÁL
1
/
1935
