Timor Post (20/07/2020)- Ministra Saúde (MS) Odete Belo husu ba Ministru Prezidensiál Konsellu Ministru Fidelis Leite Magalhães atu alitera lei sistema saúde nian, liga ho servisu saúde nian iha situasaun covid-19.
Ministra rekorde katak, sentru integradu remata ona servisu ida ne’e entrega fali ba iha Ministériu, maibé atu kontinua presiza halo aliterasaun ba artigu balun iha lei sistema saúde.
“Ohin hasoru Ministru Fidelis saida mak ami diskute mak ba iha baze legál sira, tanba iha parte ida ita hakarak halo restrinje ema nia direitu maibé iha parte ida seluk mós komunidade no povu iha ninia direitu rasik, entaun ida ne’e sai hanesan kestaun ida ba ministériu saúde, tanba ita nia nasaun viziñu sira ne’e sei afetadu hela ho covid-19, entaun ami halo fali diskute fó fali lei sistema saúde ne’e, se karik iha posibilidade atu hare lei ne’e bele distrinje ema au mézmu tempu la limite mós ema nia liberdade sira”, Ministra informa ba jornalista sira iha Palasiu Governu hafoin hasoru malu ho Ministru Prezidénsia Konsellu Ministru, Ministru Fidelis Magalhães.
Ministra subliña ministériu rasik halo ona diskusaun hodi halo aliterasaun iha artigu (11), ne’ebé mak ko’alia kona-ba medida esesoens ne’ebé mak ministériu saúde iha diretu atu halo, maibé lei ne’e la ko’alia espesífiku liu kona-ba oinsá atu hare mós ba iha ema ka sidadaun sira nia liberdade rasik.
“Ami hanoin atu halo aliterasaun ne’e sei lori tempu semana rua ka tolu tanba ami sei diskute fila fali hodi bele haruka fila fali mai iha konsellu ministru hodi halo aliterasaun ka aprova” tenke Nia.
Aleinde ne’e Ministra Saúde mós esplika, kona-ba pagamentu ba hotel sira ne’ebé mak durante ne’e governu uza hodi halo kuarentena.
“Ha’u hanoin kona-ba pagamentu ba otél sira ne’e kompañia lubuk ida mak halo ona pagamentu no iha ida rua ne’ebé mak presiza mós entre sira rasik ho ministériu saúde presiza halo verifikasaun iha notás ne’ebé mak iha no dokumentu balun ne’ebé mak sira tenke kompleta” informa Governante.
Ministra garante katak molok to’o tinan ne’e remata otél ba kuarentena no catereen inklui pesoál saúde sira ne’ebé mak servisu kontra ba covid-19, sira la lakon sira nia orsamentu, sei selu maibé atrazu uitoan.(Jornalista: Jaime Pires)
1,167 total views, 6 views today
Bele hare Video Seluk :