Timor Post (14/07/2020)- Ministru Asuntu Kombatente Libertasaun Nasionál (MAKLN) Júlio Sarmento da Costa “Meta Malik” informa planu ministériu 2020 no 2021 nian ba Primeiru Ministru no Ministru Interior Taur Matan Ruak, iha Palasiu Governu (14/07).
Hosi planu ne’ebé iha, ida maka buka redús prosesu buka mmate ruin (restos mortais) ne’ebé la’o durante ne’e.
“Polítika governu agora ita buka redús restu mortais. La’ós ita diskrimina lakohi ke’e lae, maibé ke’e mak la hetan duni ona no ita buka mós la hetan ida, entaun ita redús ida ne’e ita halo fali polítika foun ida mak sekretáriu estadu sei tun ba kraik fó volta fatin hotu-hotu identifika rona no diskute atu ita bele hala’o iha 2020-2021 ita bele hamosu monumentu iha 65 postu”, informa Meta Malik ba Jornalista hafoin hasoru malu ho PM.
Ministru hatutan atu rezolve restu mortais laiha ona diskusaun ona, iha timor laran tomak besik rihun sanulu resin ona entaun hakarak ka lakohi tenke fó solusaun no tenke hakoi, maibé agora polítika hosi sekretáriu estadu mak redús buka ruin sira.
MNistru afirma Polítika redús buka mate ruin sira tanba hare katak iha fatin barak ke’e la hetan hatama fali de’it fatuk ba kaixaun.
“Ita buka la hetan entaun ita komesa hakiak fatuk ba kaixaun, entaun hatama fatuk ba rai kuak”, ministru afirma.
Ho hirak ne’e maka Meta Malik esplika nu’udar ministériu asuntu veteranu, mai elabora servisu planu ne’ebé mak balun la’o ona no balun seidauk, no prepara mós planu ne’ebé atu submete ba orsamentu 2021 hato’o mós andamentu servisu ba primeiru ministru.(Jornalista: Jaime Pires)
984 total views, 3 views today
Oinsa Ita nia Reaksaun iha Notisia Nee?
You have reacted on “Meta Malik Redús Esforsu ba Buka Mate Ruin”
Bele hare Video Seluk :
Subscribe to Timorpost1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949
