Timor Post (13/07/2020)- Koordenadór Jerál Sala Situasaun Sentru Integradu Jestaun Krize, Donaciano da Costa Gomes “Pedro Klamar Fuik” hateten, loron (28/07) sei aprezenta relatóriu sala situasaun no sentru integradu jestaun krize (SIJK) ba Parlamentu Nasionál.
Klamar Fuik hato’o informasaun ne’e ba Jornalistas hafoinhasoru malu ho Primeiru Ministru Taur Matan Ruak iha Palasiu Governu.
“Primeiru Ministru konvida ha’u mai atu ko’alia oituan kona-ba relatóriu sala situasaun sentru integradu jestaun krize prepara, no relatóriu ne’e halo ona sei halo aprezentasaun ba iha parlamentu nasionál iha loron 28 fulan ida ne’e” dehan Klamar Fuik ba jornalista sira iha palasiu governu segunda (13/07).
Atuál Diretór Institutu Defeza Nasionál (IDN) ne’e subliña, sei kolia kona bá servisu ne’ebé mak sala situasaun halo tia ona no sala situasaun mós hotu ona, hare mós ba mekanizmu saida mak elementu hotu-hotu ne’ebé mak partisipa iha sala situasaun ne’e bele fó nafatin apoiu ne’e ba iha ministériu saúde ne’ebé mak iha responsabiliza atu kontinua servisu ida ne’e.
“Relatóriu ne’e ko’alia barak lou sobre sentru integradu jestaun krize sala situasaun liu-liu atividade hotu-hotu ne’ebé mak relasiona ho estadu emerjénsia hosi primeiru segundu no terseiru” Nia subliña.
Alende ne’e Klamar Fuik ho Xefe Governu mós kolia kona bá institutu defeza nasionál nia formasaun. Membru F-FDTL ne’e informa Segunda (13/07) lokraik inisia formasaun ba funsaun publika liuliu ba diretór jerál sira iha IDN ne’ebé Gabinete Primeiru Ministru no IDN mak promove.
“Formasaun ne’e formasaun liu-ba estadu nasaun ba dezenvolvimentu Timor-Leste ne’e iha area seguransa no dezenvolvimentu rasik”, subliña.
Diretór ne’e rekoñese oras ne’e daudaun iha mundu rai ida-idak taka, laiha servisu tanba Kovid-19, no nasaun barak kontinua hare ba situasaun ida ne’e, entaun estadu governu Timor Leste oinsá mak fó formasaun ba kuadru sira bele kontinua ba nafatin.(Jornalista Jaime Pires)
738 total views, 3 views today
Oinsa Ita nia Reaksaun iha Notisia Nee?
You have reacted on “SIJK Sei Aprezenta Relatóriu Ba PN”
Bele hare Video Seluk :
Subscribe to Timorpost1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949
