ADVERTISEMENT

KHUNTO Rezeita Membru PNTL Balu Tuir Juramentu

Timor Post - Nasionál
  • Share

Timor Post (07/07/2020)-Deputada hosi Bankada KHUNTO, Lígia Coelho da Silva, liu hosi plenária iha Parlamentu Nasionál afirma, la aseita ho deklarasaun hosi Komisaun Polisia Nasionál Timor-Leste (PNTL) Komisáriu Faustino da Costa nian katak iha oknum polisia balu tuir juramentu iha Partidu KHUNTO.

“Liu hosi biban ida ne’e atu dehan katak la’ós polisia maka ba juramentu iha Partidu KHUNTO maibé hanesan sidadaun komún ida ne’ebé mak nia nasionalidade Timor-oan nia iha direitu atu eskoilla kór Partidu ida. Tuir konstituisaun RDTL iha artigu 46 númeru 2 katak sidadaun hotu iha direitu konstitui no partisipa iha vida polítika. Bankada KHUNTO lamenta no konsidera komisáriu PNTL viola ona direitu sidadaun komún nian”, hateten Lígia da Silva iha PN tersa (07/07).

Deputada liga ba dekretu governu númeru 9/2009 no lei orgániku PNTL nian nia rekoñese katak polisia hotu so kumpre de’it ba lei ninia konstituisaun no lei sira ne’ebé polisia nian, misaun atu asegura estabilidade iha territóriu nasionál, maibé iha dekretu lei orgániku refere laiha artigu ruma kestiona no Bandu oknum ruma nia direitu atu eskoilla kór Partidu polítiku ida ba nia.

Tanba ne’e maka deputada bankada Khunto nian deklara katak komandu labele jeneraliza no hatudu neutralidade hodi asegura prinsípiu interdependsia ba malu.

“Foin dadaun semana ida ba kotuk sai iha media katak oknum polisia balu juramentu ba Partidu KHUNTO, ne’e Bankada parlamentár Partidu KHUNTO la aseita ho deklarasaun Komisáriu PNTL nian ne’e. Hanesan Partidu polítika ida no iha lejitimidade jurídiku husu ba órgaun kompetente sira ne’ebé serbisu iha atendimentu públiku atu labele jeneraliza no lansa polítika ne’ebé mak laloos no sólisita ba komandu atu hatudu neutralidade ba iha komandu Jerál polisia bele asegura prinsípiu interdependénsia ba malu” deklara deputada Lígia.

(Julio Salinas Soares)

 215 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KHUNTO Rezeita Membru PNTL Balu Tuir Juramentu” A few seconds ago

Lee Mós:
Xanana husu Juventude Loilubo no Watulari Kuda Domin no Kari Dame
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: