ADVERTISEMENT

Kada Tinan, Rendimentu husi Billete ba Ramelau Rihun $40

Timor Post - Ainaro
  • Share

Timor Post (03/07/2020)-Diretór Nasionál Dezenvolvimentu Turístiku, Julio Ribeiro, hatete iha tinan 2019- Janeiru no Fevereiru 2020 osan hosi billete kontribuisaun hosi vizitante ba Na’in Feto Ramelau hamutuk Dolar Amerikanu Rihun 40.

Ribeiro hatutan, osan refere Diresaun Nasionál Dezenvolvimentu Turístiku ho igreja seidauk deside  atu rai iha se, maibé oras ne’e daudaun rai provizóriu hosi Dioseze.

“Iha tinan 2019- Janeiru no Fevereiru 2020 nian hetan rendimentu dolar Amerikanu 40 mill. Ha’u hanoin jestaun ne’ebé ami halo iha Ramelau jestaun ne’e hahú iha 2019 atu ko’alia de’it dehan katak osan ne’ebé hetan hosi billete kontribuisaun ne’e parte governu no igreja seidauk deside atu bele rai iha se. Provizóriumente parte governu liu hosi diresaun kompetente sei fó fiar ba parte dioseze Dili nune’e hein tempu fila-fali, kuandu estadu emerjénsia ne’e hotu depois sei konvoka enkontru ida parte rua bele define”, hatete Julio Ribeiro  ba Timor Post  iha Ministériu Finansas Ai tarak Laran Dili, Sesta (03/07).

Ribeiro hatutan liu hosi tuur hamutuk mak parte rua bele define kona-ba billete kontribuisaun agora daudaun la’o ne’e atu entrega loos ba se, se mak bele responsabiliza atu nune’e ba futuru bele hasai osan hosi parte ida ne’e hodi halo manutensaun kuandu sasán balu mak naksobu iha na’in Feto Ramelau.

Diretór haktuir durante moras mundiál Covid-19 mosu implementa estadu emerjénsia parte governu no igreja bandu komunidade labele ba vizita lai, tan ne’e mak iha fulan tolu nia laran la hetan rendimentu.

Julio informa agora daudaun komesa loke fila fali, atu nune’e vizitante sira bele ba, tantu vizitante hosi rai laran no mós vizitante hosi rai liur.

(Jornalista Julio Salinas Soares)

 1,003 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kada Tinan, Rendimentu husi Billete ba Ramelau …” A few seconds ago

Lee Mós :
Ahi Haan Uma Rua iha Suku Edi, Sasan hotu La Aproveita Inklui Sesta Bázika

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No