ADVERTISEMENT

 Estádiu Manatutu Ho Dili Problema Ba Abrão

Timor Post - Desportu · Manatuto
  • Share

Timor Post (02/07/2020)- Sekretáriu Estadu Juventude no Desportu Abrão Saldanha, deklara projetu konstrusaun Estádiu Munisípiu Manatutu no reabilitasaun estádiu Dili iha problema ne’ebé presiza rezolve molok kontinua.

Relatóriu ne’ebé simu hosi parte tékniku  katak, Estadiu rua ne’e sidauk remata tanba, problema iha finanseiru no kontratu.

“Problema ne’ebé ha’u simu mak Estádiu Manatutu ho Dili ne’ebé mak to’o agora sidauk remata.  Informasaun  husi téknika sira, Dili rasik kontratu adisional valor  no kontratu inisiál la iha,  defaktu katak iha duni problema ba projetu rua ne’e iha ha’u nia mandatu”, hatete Abrão hafoin hasoru-malu ho Primeiru Ministru Taur Matan Ruak iha palasiu governu, kinta (02/07).

Sekretáriu estadu foin sa’e ne’e  daudaun ko’alia ona ho parte Finansas no aprovizionamentu para bele haree internalmente saida mak bele solusiona problema ne’e rasik.

“Kona-ba atu rezolve konstrusaun Estádiu rua ne’e, ohin dadeer ha’u ko’alia ona ho Finansas ho aprovizionamentu atu bele haree situasaun ne’e, atu ami bele haree loloos husi internal saida depois mak bolu empreza sira mai para bele haree solusaun ba oin”,  Nia hatutan.

Projetu ne’e agora iha Ministériu Planu Ordenamentu Territorial (MPOT) nia okos ho nune’e parte ninian se ba halo koordenasaun para bele buka solusaun.

“Orsamentu ba konstrusaun ne’e la’ós iha SEJD tanba ne’e grandee projetu entaun ha’u tenke informasaun kona-ba projetu hirak ne’e, agora iha Ministériu Planu Ordenamentu Territorial nia okos entaun ha’u ba ko’alia para bele buka solusaun ba problema ne’e”, dehan Nia

Governante hatutan iha nia mandatu sei rezolve uluk problema balun ne’ebé impede projetu ne’e rasik hafoin kontinua buka solusaun ba konstrusaun refere.

“Disputa sira hanesan ne’e presiza rezolve lai mak kontinua obra”,Abrao afirma.(Jornalista: Jaime Pires)

 882 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on ” Estádiu Manatutu Ho Dili Problema Ba Abrão” A few seconds ago

Lee Mós :
Deskonfia Boikota Eleisaun, Xefe Suku Cesar Aprezenta Klarifikasaun

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No