ADVERTISEMENT

Konsulta Atu Hadi’a Meza PN iha Loron 30 Agostu, Arsebispu Dezafia Aniceto Guterres

Timor Post - Jeral
  • Share

Timor Post (01/07/2020)- Prezidente Parlamentu Nasionál Aniceto Guterres akompaña husi Vise Prezidente Luis Roberto ba hasoru Arschebispo Metropolitanu, Don Vergílio do Carmo da Silva SDB, hodi konsulta kona-ba planu hadi’a hikas meza Parlamentu Nasionál iha loron 30 Agostu 2020.

Meza Prezidente Parlamentu Nasionál nian naksobu bainhira mosu tensaun polítika maka’as iha loron 18-19 Maiu 2020, bainhira deputadu sira husi bankada FRETILIN, PLP ho KHUNTO hadau malu ho deputadu sira husi CNRT hodi halo destituisaun ba eis Prezidente Parlamentu Nasionál Arão Noe no hili fali Aniceto Guterres.

“Ha’u kaer nafatin ha’u nia liafuan ne’ebé uluk ha’u dehan katak meza ne’e la’ós rai lakan mak kona, ka anin mak hú mak monu. Ne’e iha tan kauza ida mak provoka rahun, agora tenke buka tuir nia fukun ne’e iha ne’ebé, hadi’a tiha nia fukun ne’e mak tau di’ak fali meza,” Arsebispu subliña hafoin sorumutu ho Prezidente Parlamentu Nasionál Aniceto Guterres ho nia delegasaun iha Episkopal Lecidere, Dili, Tersa (01/07/2020).

Arsebispu haktuir, presidente parlamentu ho nia ekipa admite katak sei hadi’a ka harmoniza fila-fali uluk relasaun, atu nunee deputadu sira mos bele rekoñese sira nia erru.

“Sira agora daudaun koko atu hadi’a ka harmoniza fila fali, tanba uluk ne’e kuandu ran manas ikus mai akontese buat sira ne’e, hadi’a uluk relasaun atu nunee tulun ema ida-idak liuliu nai deputadu sira bele rekoñese erro ne’ebe ita halo, hodi hatun dignidade parlamentu nian,” Arsebispu subliña ba Jornalista sira.

Don Virgílio hatutan, bainhira deputadu sira iha ona rekonsiliasaun ida ka hadi’a relasaun entre deputadu sira iha parlamentu nasional, depois mak kontinua prosesu kultural tuir lisan Timor nian no Igreja Katólika nian.

Entretantu Prezidente Parlamentu Nasional, Aniceto Guterres informa, nia parte marka ona iha loron 30 Agostu atu hadi’a hikas meza ne’ebé naksobu.

“Fiksu hosi parlamentu mak 30 de Agustu, se laiha sirkuntásia ruma mak impede, ne’e  mak ohin ha’u informa ona ba iha Arsebispu,” Aniceto dehan.

Nia dehan, mark aba loron ne’e nu’udar mós loron aniversáriu konsulta popular. Nia ho delegasaun ko’alia ona ho Bispu atu hala’o prosesu hotu tuir nia dalan.

Jornalista: Júlio Salinas Soares

 635 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konsulta Atu Hadi’a Meza PN iha Loron 30 Agostu…” A few seconds ago

Lee Mós :
Austrália oferecerá bolsas de estudo a alunos timorenses do secundário

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No