Timor Post (26/06/2020)- Ministru Defeza, Filomeno Paixão informa sei aumenta tan postu seguransa iha Cova, Alto Lebos no Mota Masin iha fronteira
“Seguransa iha fronteira kontinua nafatin, F-FDTL mós kontinua nafatin, polisia mós kontinua nafatin, no F-FDTL sei aumenta tan postu tolu”, afirma Paixão bainhira entrevista ho jornalista sira iha Ministeriu Finansas, Ai tarak Laran, sesta (26/06).
Kona-ba postu refere atu aloka membru hira, eis Brigadeiru Jenerál F-FDTL ne’e dehan nia labele ko’alia maibé pelumenus iha pelotaun ida.
Atu estabele postu hirak ne’e nia sei kordena ho parte estatál iha munisípiu no postu administrative sira.
“Postu tolu ne’e atu tau ida iha Cova, ida mai iha Altu lebos no ida fali tun-tun mai iha Mota Masin nian” tenik Meno.(Jornalista: Jaime Pires)
632 total views, 3 views today
Oinsa Ita nia Reaksaun iha Notisia Nee?
You have reacted on “Sei Aumenta Tan Postu Seguransa Tolu Iha Fronteira”
Bele hare Video Seluk :
Subscribe to Timorpost
