Timor Post (26/06/2020)- Angela Freitas, dezafia sidadaun hotu-hotu hamriik kontra ezbosu lei kriminaliza difamasaun, tanba natureza hosi lei refere la merese aplika iha nasaun Repúblika Demokrátika Timor-Leste.
“Lei kriminaliza difamasaun, lei ida ne’ebé nasaun komunista sira mak utiliza tanba aplika ditadura, nu’udar sidadaun Timoroan la konkorda ho lei ida ne’e atu implementa iha Timor-Leste tanba nasaun demokrasia. Lei ne’e vigora sei halakon sidadaun nia direitu atu espresa saida mak sira sente iha sira nia nasaun rasik”, afirma Prezidente Partidu Traballista iha nia rezidénsia Bairru Formoza Dili, Sesta (26/06).
Feto ativa iha vida polítika timor-leste nian ne’e hatutan, timoroan hotu hahú kedas hosi ai-leba to’o iha prezidente repúblika iha direitu atu ko’alia, iha direitu atu kritika tuir dalan lala’ok lei iha rai laran.
“Se difamasaun maka ita kriminaliza, signifika ukun Nain taka ema nia ibun, halo buat ida tuir sira nia hakarak, na’ok povu nia osan tuir hakarak, kondena ema tuir hakarak, kaptura ema tuir hakarak”, hatete Angela.
Sidadaun ne’e dezafia ema hotu hamriik hodi kontra lei difamasaun ne’e hodi labele aplika iha Timor-Leste.
Entretantu ezbosu ne’e propoin hosi Ministériu da Justisa (MJ) kontiudu aliterasaun Kódigu Penal (KP) hodi aumenta Artigu 187-A, 187-B, 187-D, 187-E, no 187-F objetivu Kriminaliza Kritika ho pena prizaun hosi tinan 1 to’o 3.
Kamada sosiais konsidera lei refere aprova fó ameasa boot ba indivíduu no media sira bainhira halo kritikas ruma.(Jornalista Julio Salinas Soares)
1,279 total views, 3 views today
Oinsa Ita nia Reaksaun iha Notisia Nee?
You have reacted on “Lei Kriminaliza Defamasaun La Serve ba RDTL”
Bele hare Video Seluk :
Subscribe to Timorpost
