Timor Post (19/06/2020)-Diretora Ezekutivu Justice System Monitoring Program (JSMP), Ana Paula Marçal, hatete durante ne’e halo observasaun kazu ho tips violénsia doméstika barak liu mak rejistu iha tribunal.
“Kazu violénsia doméstika kazu ida ne’ebé rejistu barak liu iha tribunal durante ami observa”, hatete Ana Paula iha konferénsia imprensa iha sentru informasaun ba Impaktu Covid-19 iha salaun Fongtil Kaikoli, Dili, Sesta (19/06).
Paula hatutan motivu baibain ba iha kazu violénsia doméstika maka problema ida mosu laiha komunikasaun di’ak ba malu liuliu iha família uma laran.
Nia aprofunda, kazu violénsia doméstika ne’e dala barak mosu ba iha fen ho la’en liuliu haree ba ekonomia uma laran, dala ruma la’en hosi serbisu tama mai uma maibé Hagan fen seidauk prepara ida ne’e mak hamosu violénsia doméstika iha uma laran.
Jornalista: Julio Salinas Soares
Editor: Mariano Martins
886 total views, 3 views today
Bele hare Video Seluk :