Timor Post (17/06/2020)—Provedora Provedoria Direitu Umanus no Justisa (PDHJ-sigla Portugés), Jesuína Ferreira Gomes, identifika medida ezekusaun ba estadu emerjénsia iha fatin distribuisaun subsídiu aplika ladún di’ak.
“Iha prosesu pagamentu liu hosi monitorizasaun PDHJ nian haree ba iha implementasaun medida ezekusaun ba estadu emerjénsia liuliu hanesan ba distansiamentu fíziku, distansiamentu sosiál iha fatin pagamentu sira ne’e ladún iha mekanismu di’ak”, hatete Jesuína kuandu hasoru Prezidente Parlamentu iha Parlamentu Nasionál kuarta (17/6).
Nia haktuir maioria iha fatin pagamentu sira ladún iha mekanizmu di’ak atu garante sidadaun sira halo distansiamentu fíziku pelumenus metro ida.
Alende ne’e Jesuína dehan lista sira ministériu estatál hatama iha ministériu solideriadede dala barak naran sira la sai iha lista edita.
“PDHJ rejistu hotu ona, sei hatama ba iha MSSI no Estatál, atu sira bele foti medida oinsá atu bele resolve sidadaun sira nia preokupasaun” hateten Jesuína.
Provedora mós relata iha implementasaun estadu emerjénsia faze dahuluk PDHJ rejistu kazu 10, violasaun ba direitus umanus 8 no violasaun ba boa governasaun rua.
Enkuantu iha implementasaun EE daruak nian felizmente apresiasaun ba serbisu entidade hotu tanba PDHJ la rejistu kazu ruma.
Jornalista: Julio Salinas Soares
Editor: Mariano Martins
912 total views, 3 views today
Bele hare Video Seluk :