Timor Post (16/06/2020)- Governador Banku Sentrál Timor Leste (BCTL-sigla Portugés) Abrão de Vasconcelhos, hatete ekonomia makroo Timor-Leste monu ba negativu (-6%).
Vasconcelhos aprofunda razaun queda ekonomia iha rai laran mai hosi fatór rua, primeiru la iha ezisténsia orsamentu jerál estadu no segundu fatór pandemia Covid-19.
“Bazeia ba dadus ne’ebé maka disponivel informasaun ne’ebé ami asesu, ami kompleta estudu ida hare ba impaktu ba ekonomia, iha rua. Naun ezisténsia orsamentu estadu, segundu impaktu hosi covid 2019” dehan Abrão, hafoin hetan konvite iha diskusaun debate pedidu urjénsia levantamentu Fundu Petrolíferu, iha Parlamentu Nasionál, Tersa (16/6).
Nia hatutan estudu ne’ebé BCTL halo kona bá ekonomia sei monu ho negativu 6%, ida nee ladook hosi projesaun sira ne’ebé maka instituisaun internasionál sira halo partikularmente ADB (Asian Development Bank) IFM (International Monetary Found) sira halo projesaun ba Timor-Leste iha tinan 2020.
“Razaun monu ba negativu 6% tanba fatór prinsipál rua nee”, tenik Governador.
Alende fatór rua refere mós tanba medida sira atu introdús atividade ekonómiku ne’ebé la fila fali ba hanesan bai-bain.
“Demanda agregadu nee nia monu kuaze negativu 11% setór públiku monu boot liu negativu 14%, demanda doméstiku negativu 7%, esportasaun no importasaun menus ita nia monu negativu 18%”, relata Abrao
Kona bá inflasaun nia dehan BCTL la observa ba inflasaun mezmu too iha fin 2020, maibé hakarak bolu atensaun karik iha supply stock ida nee bele poen risku ba inflasaun iha rai laran maibé la prezerva hanesan presaun demajiada iha rai laran.
Jornalista no Editor: Mariano Martins
587 total views, 3 views today
