DILI—Komandu Jerál Polísia Nasionál Timor Leste (PNTL) liuhusi reniaun Konsellu Suprior husu ba Ministru Interior Interinu Filomeno Paixão atu halo demisaun ba membru na’in-8 ne’ebé komente kazu transferénsia mina no tiru komunidade iha Postu Administrativu Maubara.
Konsellu Superior foti tiha ona desizaun ne’e no propoen ona ba Ministru Paixão tanba tuir lei komandu laiha kompeténsia atu halo kedas demisaun ba membru sira.
“Ita halo ona proposta demisaun ba dala rua iha membrus PNTL hamutuk na’in ualu, mak sei hetan demisaun,” Komandante Jerál PNTL, Faustino da Costa inform aba Jornalista sira liuhusi konferénsia ba imprensa ne’ebé realiza iha Kuartel Jerál PNTL, Tersa (03/06/2020).
Komisáriu Faustino haktuir, membru hirak ne’e komete kazu iha tinan 2014 kona-ba transferénsia mina husi karreta kompania nian ba karreta seluk no kazu tiru komunidade iha postu Administrativu Maubara iha fulan Abril 2020. (res)
340 total views, 3 views today
