DILI (timorpost.com)—Organizasaun Mundial Saúde (OMS), iha Timor-Leste apoiu ekipamentu dasin tetu todan 140 unidade ba Ministériu Edukasaun (ME).
Reprezentante OMS iha Timor-Leste, Arvind Mathur hatete, objetivu husi apoiu dasin tetu ho todan 140 unidade ne’e hodi suporta programa saúde eskolár ba eskola sira iha Timor laran tomak.
“Ida ne’e direitu esensiál no fundamentál ba labarik sira atu hetan edukasaun saúdavel. Ha’u sente ita-boot sira bele konkorda ho ha’u katak edukasaun no Saúde buat rua ne’ebé inter-ligada; Saúde ne’ebé ladi’ak sei saia kauza ba rezultadu edukasaun ne’e rask”. Haktuir Arvind Mathur ba jornalista sira iha Ministériu Edukasaun, Vila Verde, Tersa (21/11).
Nia haktuir, Prosesu ida ne’e la’ós de’it hodi garantia labarik ida atu sai aas liu ka atu iha pezu boot; prosesu ne’e hodi avalia sira nia saúde jerál, nutrisaun, no problema potensiál ho sira nia dezenvolvimentu estudu.
Iha fatin hanesan, Sekretáriu Estadu bá Ensinu Sekundáriu no Eskola Téknika Vokasionál (SEESETV), Domingos Lemos Lopes hatete, apoiu dasi ne’ebé mak OMS oferese mai ME sei apoiu fila fali ba iha eskola sira, liu-liu ensinu báziku sira iha territóriu nasionál.
“WHO iha kometimentu di’ak no hanoin ida di’ak fó tulun ba ita, liu-liu ba eskola sira liu-husi meius ne’ebé mak ohin sira mai hodi fó tulun ka apoiu dasi ba ita, “Haktuir Domingos.
Nia dehan, kona ba bainhira mak hahú distribui seidauk bele promete, maibé sei distribui iha tempu balun nia laran.
1,200 total views, 24 views today
Bele hare Video Seluk :
Subscribe to Timorpost
