DILI (Timor Post.com)—Tuir dadus estatístika husi ajénsia United Nations Population Fund (UNFPA-sigla Inglés), iha tinan 2022-2023, identifika labarik-bebé ne’ebé mate iha inan nia kanotak hamutuk atus haat (400).
Tu’ir reprezentante UNFPA iha Timor Leste, Pressia Arifin-Cabo hatete, estadu Timor Leste presiza halo investimentu forte ba inan isin rua sira, atu hatun mortalidade labarik-bebe sira, ne’ebé hetan mate iha inan nia kanotak.
“Ami haree situasaun ba labarik-bebé sira mate ne’e, preokupasaun ne’ebé sériu tebes, no urjente duni ba governu liu-liu ministériu saúde atu atende ho efetiva, maibé kuandu laiha situasaun ne’e sei akontese nafatin, volume labarik-bebe mate sei aumenta beibeik.” Dehan reprezentante UNFPA iha Timor Leste, Pressia Arifin-Cabo ba Jornalista sira iha PN, Kuarta-feira, (08/11/2023).
Kada tinan inan isin rua por volta 40 mill, no inan ne’ebé la konsege partu tuir dadus 20% iha risku ba mate, entaun UNFPA husu ba governu atu halo investimentu urjente, nune’e bele estabiliza saúde públiku ba inan isin rua.
Entretantu deputada, Sedelizia Faria dos Santos afirma, númeru mortalidade ba inan isin rua, boot tebes, tanba ne’e informasaun ne’e husi UNFPA dehan governu atu investe, presiza duni atu dezenvolve, tanba ne’e importante tebes ba nasaun no vida umana nian.
“Ami haree orsamentu ne’ebé governu investe ba inan isin rua sira ho númeru ne’ebé ki’ik, tanba mai ho orsamentu dolar 205 mill USD de’it, nune’e husu governu atu haree hodi investe ho orsamentu natoon, atu bele kuidadu oan no inan nia kondisaun ho di’ak.” Deputada Sedelizia hateten.
1,239 total views, 9 views today
Bele hare Video Seluk :
Subscribe to Timorpost
