ADVERTISEMENT

Bankada Parlamentar Tolu La Partisipa Reuniaun ho Aniceto Guterres

Timor Post - Jeral
  • Share

DILI—Bankada parlamentar tolu kompostu husi CNRT, UDT/FM no PUDD la partisipa iha reuniaun líder bankada ne’ebé lidera husi Aniceto Guterres ne’ebé eleitu ba Prezidente Parlamentu Nasionál iha loron 19/05/2020.

Kinta (21/05/2020), Aniceto Guterres konvoka reuniaun líder bankada hetan partisipasaun husi bankada parlamentar FRETILIN, PLP, KHUNTO no PD.

ADVERTISEMENT
SCROLL FILA BA NOTISIA


Assuntu ne’ebé ko’alia iha reuniaun ne’e kona-ba normalizasaun ba funsionamentu Parlamentu Nasionál, ajendamentu sesaun plenária ba segunda no tersa, normalizasaun ba komisaun espesializada permanente sira no asuntu relevante sira seluk.

Lee Mós :
PPN Husu AUTL Identifika Estudante Universitáriu Iha Rai Laran

Iha reuniaun ne’e akompaña hosi Vise-Prezidente Parlamentu Nasionál, Deputada Maria Angelina Sarmento Lopes no Segundu Vise-Prezidente Parlamentu Nasionál, Deputadu Luis Roberto.

Prezidente Bankada CNRT, Duarte Nunes ba Jornalista sira subliña, nia parte la partisipa ho rajaun prosesu kona-ba legalidade eleisaun destituisaun Prezidente Parlamentu Nasionál sesante Arão Noe no eleisaun ba Prezidente foun Aniceto Guterres sei prosesa hela iha Tribunál Rekursu.

Lee Mós :
CNPO da Fretilin cria três subcomissões para realização das próximas eleições gerais

“Depois de Tribunál Rekursu fó-sai desizaun ba ami-nia rekursu legál ka ilegál hafoin deside partisipa ka lae. Enkuantu ida-ne’e la sai, ami la partisipa,” Duarte Nunes hatete ba jornalista sira iha resintu Parlamentu Nasionál, Kinta (21/05/2020).

Deputadu Duarte Nunes fiar, Tribunál Rekursu sei hasai desizaun ne’ebé justu no loos.

Lee Mós :
SEFOPE Adia Tan Publikasaun Rezultadu Vaga Servisu Australia

“Ha’u fiar sira (Tribunál Rekursu) sei halo tuir konsiénsia, imparsialidade, nune’e ita lori nasaun ne’e ba-oin. Se tribunál la ko’alia, ita hotu mak sei haree katak instituisaun ne’e kompleta ai-riin haat ne’e ka lae,” Duarte salienta. (cao)

 856 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Bankada Parlamentar Tolu La Partisipa Reuniaun …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No