ADVERTISEMENT

Amu Domingos Maubere Halo Asaun Kontra Hahalok Deputadu Sira iha Odamatan Boot Parlamentu Nasionál

Timor Post - Jeral
  • Share

DILI—Amu Domingos Maubere triste no la hakmatek bainhira akompaña iha mídia ba loron daruak tensaun maka’as liu tan iha Uma Fukun Parlamentu Nasionál.

Nune’e, obriga Amu Parókia Becora ne’e iha dader maizumenus oras tuku 10 bainhira tensaun iha sala plenária deputadu sira hakilar, tuda malu ho hadau malu kadeira namanas, sama ain iha odamatan boot Parlamentu Nasionál ho objetivu hasoru malu ho deputadu sira.

ADVERTISEMENT
SCROLL FILA BA NOTISIA


“Ha’u mai hodi povu nia naran atu husu parlamentu. Povu vota atu husu ba sira atu bele deskuti problema povu nian. Oras ne’e Povu hamlaha,” Amu Maubere afirma ba Jornalista sira hafoin Polísia la permite tama ba Uma Fukun Parlamentu Nasionál.

Lee Mós :
UNTL vai abrir três mil vagas em 2022

Amu hatutan, luta ba ukun rasik-an nia objetivu la’ós atu reprejentante povu sira buka de’it ukun no la tau matan ba povu.

“Ha’u hakarak hein para atu ko’alia ho sira (deputadu sira),” Amu Maubere hatete.  No klarifika nia objetivu halo asaun ne’e la’ós hetan autorizasaun husi Amu Bispu sira.

Tuir observasaun Timor Post haktuir,  Amu Maubere ho nia karreta hahú atu tama ba resintu Parlamentu Nasionál, polísia sira hapara hodi husu no Amu aprejenta rajaun sira, maibé Polísia la permite tama. Maibé tanba Amu dehan hein de’it deputadu sira iha odamatan boot ne’e, polísia sira foti kadeira ba Amu bele túr hodi hein.

Lee Mós :
Membru PNTL Na'in 158 Ativu Fali, Lei Ne'ebe Mak Los ba Idade Reforma

Entretantu Loron daruak funu hadau malu kadeira Prezidente Parlamentu Nasionál, rejulta kadeira iha meza Parlamentu Nasionál nian dudu rahun husi deputadu sira no polísia halo ona intervensaun hodi hakalma situasaun.

Situasaun ne’e hahú mosu iha oras maizumenus tuku 9:00 bainhira Vise Prezidente Parlamentu Nasionál Maria Angelina kontinua hakat ba atu lidera plenária, maibé deputadu sira husi bankada CNRT nian la permite tanba konsidera ajenda ne’e viola rejimentu PN tanba Vise sira la hetan delegasaun kompeténsia husi Prezidente Parlamentu Nasionál Arão Noe.

Observasaun Timor Post haktuir, deputadu ida-idak mantein nia pozisaun hodi defende argumentu, hakilar malu ho sériu tebes, baku meza, no malu hodi halo meza ne’ebé Prezidente Parlamentu Nasionál túr ba monu no nakfera.

Lee Mós :
Uma Kain 15 iha Fomento II Asesu Bee Moos

Polísia sira ne’eb’e fó seguransa iha Parlamentu Nasionál hola ona pozisaun iha área meza Parlamentu Nasionál hodi haruka deputadu sira tún hotu ba sala plenária ne’ebé deputadu sira túr ba, maibé deputadu sira kontinua hakilar malu ho sériu tebes.

Deputadu husi bankada CNRT, José Virgílio sempre fó viva ba Konstituisaun Repúlika Demokrátika Timor Leste. No Deputadu sira husi parte PLP mós defende rajaun katak saida mak sira halo la viola Konstituisaun. (res/jmy/cao)

 632 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Amu Domingos Maubere Halo Asaun Kontra Hahalok …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No