Dili (timorpost.com)—Embaixadór (Não Residente) husi nasaun neen entrega karta karta kredénsia ba Prezidente Repúblika Jose Ramos Horta iha Palasiu Prezidensiál Ai-tarak laran.
“Karta Kredénsia hosi embaixadór (Não Residente) sira hosi nasaun neen ne’e mak hanesan Baharain, Arábia Saudita, Repúblika Irlándia, EAU, Konfederasaun Suiza no Repúblika Fransa”. Haktuir fontes PR iha Ai-tarak laran, Kuarta (13/09/2023).
Estabelesimentu no reforsa ligasaun amizade entre Repúblika Demokrátika Timor-Leste (RDTL) ho nasaun seluk mak importante tanba Timor-Leste nu’udar nasaun soberania ne’ebé interdependente globalmente no rejionalmente.
Entretantu Embaixadór sira hosi nasaun neen ne’ebé aprezenta sira-nia kredénsia mak hanesan, Ahmed Abdullah Alharmasi hanesan Embaixadór ba Reinu Bahrain, ne’ebé hela iha Jakarta, Indonézia.
Abdullah Salem Obaid Salem AIDhaherri nu’udar Embaixadór ba Emiradu Arabe Unidu (EAU), ne’ebé hela iha Jakarta, Indonézia, Faisal Abdukkah H. Amodi, Embaixadór ba Arabia Saudita, ne’ebé hela iha Jakarta, Indonézia. Oliver Zehnder, nu’udar Embaixadór ba Konfederasaun Suíça, ne’ebé hela iha Jakarta, Indonézia.
Padanig Francis, Embaixadór ba Repúblika Irlanda, ne’ebé hela iha Jakarta, Indonézia, Fabien Penone, Embaixadór ba Repúblika Franseza, ne’ebé hela iha Jakarta, Indonézia.
1,455 total views, 21 views today
