DILI (timorpost.com)—Eletricidade de Timor-Leste, Empreza Públika (EDTL,E.P), realiza enkontru fraternu ho kompañia PLN Indonesia oinsá halo kooperasaun di’ak atu bele dezenvolve sektór eletrisidade iha Timor-Leste.
“Objetivu husi reuniaun entre EDTL ho kompañia PLN Indonézia, tanba PLN Indonézia hanesan kompañia estatál ne’ebé book aan iha sektór eletrisidade Indonesia nian, ne’e mak ohin sira mai halo aprezentasaun mai iha EDTL atu ita hamutuk hodi hare oportunidade saida mak ita bele servisu hamutuk atu bele dezenvolve ita nia sektór eletrisidade”. Haktuir Sekretáriu Estadu Eletrisidade Agua no Saneamentu, Santos Noronha ba Jornalista Timor Post, iha edifísiu EDTL.EP, Kaikoli, Tersa (12/09/2023.
Nia dehan, prezensa PLN Indonézia hakarak halo kooperasaun ho EDTL.EP Timor-Leste foka ba saida mak empreza rua ne’e hakarak implementa iha futuru mai ligadu ho enerjia eletrisidade.
“Entaun ohin ita hamutuk hare oportunidade sira ne’ebé hakarak konstrui hamutuk no ohin sira mós mai ho dadus balun aprezenta mai ita, depois ita mós aprezenta dadus balun ba sira hodi diskute kona ba saida mak ita presiza halo hamutuk iha futuru oin mai”, dehan Sekretáriu Estadu Eletrisidade.
Iha reuniaun ne’e mos. EDTL.EP husu atu kria formasaun ida ba iha kapasitasaun enerjia ligadu ba Capacity-building ba tékniku sira inklui formasaun espesífiku sira seluk.
“Ita mós husu ba PLN Indonézia se bele haruka ita nia tékniku sira ba tuir formasaun iha ne’ebá hodi aumenta abilidade no tékniku eletrisidade nian. Ita mós husu PLN Indonesia iha oportunidade bele fornese sira nia formadór ne’ebé mak espesialidade iha area balun mai iha ne’e hodi monitoriza tékniku sira iha terenu”. Hakotu.
2,418 total views, 9 views today
Bele hare Video Seluk :
Subscribe to Timorpost
